ISAIAH 19:20 - Sumi Naga CL (Re-edited) Bible (BSI)

²⁰ Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

BAIBEL (BSI)

²⁰ Tipaqoye Ijip lo Aqokitikhi MPEU akeu michipu shi nani. Kughono timi tilau akeqo qa qhini eno AMPEU vilo kuphutsu peniye ighamukuni keno pano panoqo xaphelu kepu timi lakhi puwu nani.

ISAIAH 19:20 Iomraidhean Croise

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

ISAIAH 19:4

ikemu I no Egyptmi pesü ayiküsa mpeu u lo süvetsü nani; eno ayiküsa kükau no panoqo shou ayepe nani, aqokitikhi MPEU no shuphe anie.

ISAIAH 20:4

Assyria kükau no Egyptmi ngo Cushmi, kichi-iti kümtsü akughumi shi sasü Egypt shikukujo ghi ashibo nhatsü mono aphikümsa sawuve nani.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 45:15

Kuchou No ye Alhou, No ampi küghütshü chekeu, O Xakuluu, Israel Lhou.

ISAIAH 52:5

Tighenguno itehi Ni ye hilau kiu ani kea?” ipi Ampeu no sheshu ani. “Hi Iw timiqo ame tsümono sawuve kelaye panongu shou yepemi ye mloqa ani.” Eno “Tino ishokibe I je thaigha ani.

ISAIAH 55:13

Asahuqo züqhulo cypressbo ipeghive nani; eno asahubo lono myrtlebo ipeghive nani; eno tino Ampeu je shitsü nani eno alhokupuju lo acheni keu michipu shi nani.”

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 63:8

Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

JOSHUA 22:34

Reubenmi ngo Gadmi no akiptia tipau je Thopi kuvetsü, panongu no pi, “Kughengu Ampeu ye Alhou kepi hi no ningu dolo thopike.”