ISAIAH 19:19 - Sumi Naga CL (Re-edited) Bible (BSI)

¹⁹ Tipa tsala lo Egypt yeghi mta lono akiptia lakhi, eno alughi lono atu tsükucho lakhi, Ampeu lau mlatsü keu anani.

BAIBEL (BSI)

¹⁹ Tipa tsala ighi kelo, Ijip yeghilo AMPEU lau akipti khache lakhi anani eno Ijip lughilo atuno shikeu tsukucho lakhi AMPEU lau ikhiphe tsu nani.

ISAIAH 19:19 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 28:18

Ikehu Jacob no inaqhe itheno pa kütsü qholo atu mükhü akeu ikhiluve no tipau pesü atsükucho lakhi shi ghope qhive eno tipau shou thazü lepuku.

LESHELE 68:31

Egypt lono aküxü kivimi ighi nani; Cush no akimighi shi Alhou lau li u süqhe nani.

IPEKULU 24:4

Moses no Ampeu tsa kümtsü yekütsüpe qhive. Pa no inaqhe itheno ithu no naghuto pukhu philo akümlla-khache shiqhe eno Israel shiaye chighikini kiqi lono atsükucho chighikini ghope qhi.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

ISAIAH 66:23

Aqhi kithe lono aqhi kithe kutolo, eno Sabbath lono Sabbath kutolo, kümtsü no ighi no I mlla nani,” ipi Ampeu no sheshu ani.

JEREMIYA 46:2

Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

EZEKEL 29:1

Ampe achighiu, aqhi achighiu, atsala chighiakiniu lo Ampeu tsa I lau ighi:

EZEKEL 30:1

Ampeu tsa I lau ighi:

EZEKEL 31:1

Atsala atüghüu, aqhi aküthüu, ampe chighiaqhaqhiu lo, Ampeu tsa I lau ighi:

EZEKEL 32:1

Atsala atüghüu, aqhi chighiakiniu, ampe chighiakiniu lo Ampeu tsa I lau ighi:

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

IBRIMI 13:10

Jewmi phiki lo mlaitha chekemi ye niw akiptia lo chukepu chipiu kühae.

JOSHUA 22:10

Kughou Reuben, Gad eno Manasseh shiaye tüxa no chewo Canaan yeghi Jordan kupunu keno panongu no tile akiptia kije lakhi mla.

JOSHUA 22:26

Tighenguno ningu no pike, ‘Ningu akiptia lakhi shiqheni, ikemu ti ye akipti kümllagho momu aghakishi piti nike ghenguno kumono

JOSHUA 22:27

tipa züqhulo no timi eno ni timi ghenguno eno ni thiu tiqhelimi ghenguno thopi shini, eno ti ye ningu ghi akipti kümllagho, aghakishi kümllagho eno külakishi kümllagho pesü Ampeu hukuthu kümla mla chekeu michipu shinie. Tishianguno ghulo kütau mu nongu tianuliqo no ni tianuliqo vilo, “Nongu ye Ampeu lau asaje kühae” ipilu pemo niye ke.’

JOSHUA 22:28

Ningu no kümsü keu no, ‘Tsala ni vilo momu ighini keu lo ni tianuliqo vilo, atsa hitoi pi aye, ningu no ishi pilu nani, “Julo, Ampeu kiptia julho, ni puasüqo no mla püakeu ani eno ti ye akipti kümllagho momu aghakishi kümllagho ghenguno kumono nongu ngo ningu dolo thopi shiniye ke.”’

JOSHUA 22:34

Reubenmi ngo Gadmi no akiptia tipau je Thopi kuvetsü, panongu no pi, “Kughengu Ampeu ye Alhou kepi hi no ningu dolo thopike.”