ISAIAH 18:7 - Sumi Naga CL (Re-edited) Bible (BSI)

⁷ Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

BAIBEL (BSI)

⁷ Tipa ghulokiloye aghokiqono kijetha akeu yeghi kudauno, akuka akumto shiayehqono, hi chuqumughai keu eno ayiko hipuleyi kemi ayeghiqha kumtsuno musaighu chekemiqo launo aqokitikhi MPEU lau akumllagho peighi nani. Panonguno Zion toghi, khilehi Aqokitikhi MPEU mlla cheni keno tilehi ighi nani.

ISAIAH 18:7 Iomraidhean Croise

YEKIKITHI AKINIU 32:23

Timi kutomo no Jerusalem lo Ampeu lau agho peighi tsü, eno akughupu thimeqo pesü Judah kükau Hezekiah tsüno tinguno tilau ye shiye kümtsü no pa süqhe.

LESHELE 68:32

O ayeghi lo kükaqhaqo, Alhou lau ale phelo; Ampeu lau shekiqhe le phelo,

ISAIAH 16:1

Sela lono asayeqha kathasü Zion limi toghi lo yepeu lau sükusho süqha shi ghi ambe tsüpuwu lo.

ISAIAH 18:2

amtübo shuka lono lashikami pesü aghoki lono puwu chekeu! Nongu akümthü ghinimi, puyelei eno qhemghai kemi shiye lau, aphivilo eno putou küami no msa chekeu, akumto eno qhaküsü shiye lau wulo, aghokiqo no pano yeghi kotha ani.

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

MICAH 4:13

Ithu no qoda lo, O Zion limi, kughengu I no ayi pesü o kibo mla tsüni eno alazayi no o pukhu mütsü mla tsüni; nongu no mukhumuno shi ashiaye kutomo heqhi nani eno pano no ala shilukeu pesü Ampeu tsü nani, pano küakini pesü ayeghiqha Mpeu tsü nani.

HABAKUK 1:7

Panongu ye kümsa kimshipu ke; panongu ye pano pulou lono ayezah eno ajuaje pecheni.

ZEFANIA 3:10

Cush ghoki kukuu no I mlla chekemi, Iw timi apanaghave kemi no akümllagho süghi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.