ISAIAH 16:12 - Sumi Naga CL (Re-edited) Bible (BSI)

¹² Kughou Moabmi no akiqhe-a lo wuno achineki lono inikhuni ye pano ampi no müamzüni keno, ti ye kiumu avehu shiluni chemoe.

BAIBEL (BSI)

¹² Muab lo akemiqoye wuno naghutolo achinekilo wuno inikhu chekeu angaghaivae, ikemu tiye panoqo kivipu shiluni chemoe.

ISAIAH 16:12 Iomraidhean Croise

KUKAMI ATUGHIU 11:7

Pa no Jerusalem kipelau naghuto lo Moabmiw aphikümqhüpu lhou Chemosh ngo Ammonmiw aphikümqhüpu lhou Molekh ghenguno qhemghai ke-a mlatsü.

KUKAMI ATUGHIU 18:29

Puchomta hecheve eno avela kümllagho do kutolo, panongu no alezüphoi ighamku akemu khunomu khochilemo; khunomu jutsü moe.

KUKAMI AKINIU 19:12

I puasüqo no shiye kütsave keqo Gozan, Haran, Rezeph, eno Telassar lo Edenmi akemi lhouqo ye pano xaphelu keshea?

KUKAMI AKINIU 3:27

Tileno pa no pa nu anoghiu, pa thisü kepushi akeu pesü atupikiye lono akipti kümllagho shi agha shive. Ikelo Israelmi shou aloghu kije ikughive, eno panongu no pa launo idechilesü pano yeghi lo wove.

AHOLE 1:28

Tishino panoqo no I ku nani, ikemu I no ini tsümo nani, panongu no müamzü I phu nani kemu phulumo nani.

ISAIAH 15:2

Dibonmi ye mloqa niye akiqhe-a lo iqhovae; Nebo ngo Medeba ghenguno Moab no ighaqa anie. Kümtsü no akütsüsa ngo akichimhi miyevae;

ISAIAH 16:13

Ampeu no Moab vehulo püzüu no atsa hipau pike.

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

ISAIAH 37:38

Pa no pa lhou Nisrokh chineki lo mlla akelono pa nu Adrammelech ngo Sharezer pama no azütakikihi pesü pa ghiqhive. Tithiu pama ye Ararat yeghi lo pove, eno pa nu Esarhaddon no pa thisü luve.

ISAIAH 47:13

No ye mijekütsü jeli kutomo no miqemileivae; tipaqo pelo ighi no o xalu pelo; atsütsü kothape qhiche keqo, ayepu ayesü chheju chekeqo; eno aqhi kithe lo o shou kiu ighi nani keno piche keqo pelo o xalu pelo.

JEREMIYA 10:5

Pano julhoqo ye akukali lo aluthu toi, tipaqo ye atsa pimla; ala chemla kehu xapu masae. Tipaqo msa kevilo, kughengu tipaqo ye alhoksa shimlae, momu akivimu shimlae.”

JEREMIYA 48:13

Tishino Israelmi no Bethel lhou shou pükhübe chekeu jupe kujove ketoi Moab ye Chemosh jupe kujove nani.

JEREMIYA 48:35

Moabmi khunoqo no qhemghaike-a lo aghakishi kümlla tsü cheni eno akümllagho alhouqo tsü cheni keno, tipaqo ye I no püghave nani.

JEREMIYA 48:46

O Moab, o hasapuae! Chemosh timiqo ye kütsalevae, kughengu no tianuliqo ye kügha luve no akughu lo sawuvae.

JEREMIYA 48:7

Kughengu nono o kümla ngo o kinikülü shou pükhübe kehu no ghi leluve nani; Chemosh ye haphe sawuve nani achinemi ngo hiyampemi ghi sawuve nani.

AKIKIHI 21:28

Heshbon lono ami ipeghi, Sihon phughi lono ami mili ipeghi, Tipau no Moab lo Ar pitileve, eno Arnon lo naghuto munove.

AKIKIHI 22:39

Tishino Balaam no Balak gholono Kiriath-huzoth lo wuve.

AKIKIHI 22:41

Eno thanau Balak no Balaam sasü Bamoth-baal lo iqho, tilauno pa no timi amqo lakhi ithulu.

AKIKIHI 23:14

Pa no Zophim luza lo Pisgah Toghi kütsüqa lo pa sasü ikuno tile akiptia tsüni mlape qhi, eno lakhikhi lo amshitsü lakhi ambetsü lakhi pesü mllave.

AKIKIHI 23:28

Tighenguno Balak no Balaam sasü asayeqha juchholu chekeu Peor Toghi kütsüqa lo ikuve.

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.