ISAIAH 14:4 - Sumi Naga CL (Re-edited) Bible (BSI)

⁴ tileno nongu no Babylon kükau cheqhi nani: “Qhaküsüu ye kishi ikiqive akelae, ayiküsau huye kishekhavae!

BAIBEL (BSI)

⁴ Kughou pano hipau shini keno panonguno ishi pi-ghi Babilon kukau thaigha nani: “Ayikusau kukauye ikiqivae! Paye khilemu kutami qoda kithelumo nani!

ISAIAH 14:4 Iomraidhean Croise

YEKIKITHI AKINIU 36:18

Alhou kilo abohuqo kije aghulo, Ampeu kilo akini pekütsü püakeqo, akükau ngo sakiphemi kini pekütsü püakeqo kümtsü pa no Babylon lo pewuve.

ISAIAH 13:1

Amoz nu Isaiah no Babylon ghenguno ithulu keu tsape.

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

ISAIAH 14:17

Ayeghiqha pesü asayeqha toive, aphughiqo kütsa, eno akughumi phepuwo chemo keu ye pa keshea?’

ISAIAH 14:5

Ampeu no kixikilami küsü, yepemi kükaküsü hechheve tsüae,

ISAIAH 14:6

tino tamomithe axukighide lono ashiayeqo ghaqhi, eno shiyeqo kijipüsaqhi pano qhasü cheke.

ISAIAH 16:4

Moab lono hapheve kemi pelo no gholo ado hami ngolu pelo; kütsakungo kemi launo süsho lo. Kughou nedaqoda kemi kühave no kütsakungo keu taveni, eno munudaqhi kemi hauveni keno,

ISAIAH 21:2

Mkamghai keu kungunhetsü no I vilo pi; thekuchuu no thechuvae, eno kütsakungo chekeu no kütsavae. Wulo O Elam; khasülo O Media; Babylon no püqapunu chekeu I no kishekhave tsü anie.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 48:17

Nongu pa phivilo küami eno pa je ithi akemi kümtsü no pa ghenguno mloqa pilo, ‘Kishino akumto eno ajekipi kükaküsü ye icheve akea?’

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

DANIEL 2:38

eno timi nuliqo, aluza lo tüghashiqo, kunguu ghauqo, tipaqo no khile khile xüaghimu, Pa no o u lo süve tsüae, o pelo tipaqo kümtsü shou ayepe lupe ke—ameshoyi kütsü huye no ke.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 18:16

“Oishe, akiqheu mishighüna, phephei, hughai, eno huchuyike phi pepusü ameshoyi, akughupu tu, eno mlapuchi kighipu chekeu ghenguno ahasapu nolae!

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”