ISAIAH 14:29 - Sumi Naga CL (Re-edited) Bible (BSI)

²⁹ O Philistia, nongu ghimeche keu küsü ichevae pi alovi kevilo, apighi kuhu lono tsütsüla ipeghi nani, eno pa ti no athicho pighi toi nani.

BAIBEL (BSI)

²⁹ Filistiyami, nongu ghaqhichekeu kusuye icheuve ake ikemu nongu alokivi shikepu akiqi kuhae. kughou apighi lakhi thiveni keno tinguno alhoksau tipa alo ighi cheni. Apighi yikhu lono tughakixi khophe cheni.

ISAIAH 14:29 Iomraidhean Croise

KUKAMI AKINIU 18:8

Pa no Gaza eno ti sükümxa, ti ye qogheki lono aliwo kumto mishighüna kutolo, Philistiami kütsave.

YEKIKITHI AKINIU 26:6

Uzziah no Philistiami sasü aghü shinike wuno Gath liwo, Jabneh liwo, eno Ashdod liwo kümtsü hepholeve tsü, pa no Ashdod eno Philistia qhalo mishighünaqo shiqhe.

YEKIKITHI AKINIU 28:18

Itaghi Philistiami no kulolau naghuto küxa lo mishighünaqo eno Judah apeu leighi no Beth-shemesh, Aijalon, Gederoth, Soco, eno tipa sükümxa lo aphu akeqo, Timnah eno sükümxa lo aphu akeqo, Gimzo eno sükümxa lo aphu akeqo hakho luve eno tipaqo lo xüsüve.

AHOLE 24:17

Kughou o ghümi no ikiqiveni keno alovi kevilo, eno pa no küpxalu kelo amloqi kevilo,

ISAIAH 11:14

Ikemu küma küqhano kulolau Philistiami lewu nani, eno kipelaumi nhemgha xülepe wuve nani. Küma no Edom ngo Moab mhoqhive nani, eno Ammonmi no küma gholu nani.

ISAIAH 11:8

Angakughunu no cobra zülo ili nani, eno itimi no athicho kilo au chuxusü nani.

ISAIAH 14:31

Mloqa lo, O khagho, ighamku lo, O aphughi; Philistiami kümtsü no akümsa lono akhonhe küghalo! Kughengu ahuu no akuqhu phoboi cheae, eno tile anisüu ye lakhimu chemoe.

ISAIAH 2:6

No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

JEREMIYA 47:1

Pharaoh no Gaza lemphi züu Philistiami ghenguno Ampeu tsa Jeremiah lau ighi.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

EZEKEL 25:15

“Ampeu Alhou no ishi piani: Philistiami no alolo timi mithi keu xapu aküxü tivilo ghümi kütsaveni ye amkhü luke ghenguno,

EZEKEL 26:2

“Timi nu, Tyre no Jerusalem vilo, ‘Aha, timiqow khagho ye kubovae; tipau ye I lau khaqhi püani. Itehi li ye kütsape ani keke niu no chhitoilu niae,’ ipike ghenguno,

EZEKEL 35:15

Nono Israel kibolomi mheghi shou alovi ke, kughengu ti ye küghüküghaleive ke, ikehu I no o peitha nani; Seir Toghi eno Edom kümtsü küghüküghaleive nani. Tileno panongu no Ni ye Ampeu kepi ithi nani.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

JOYIL 3:4

“I zülo nongu ye kiu kea, O Tyre ngo Sidon, eno Philistia tokukujo lo akeqo? Nongu ye kiuala ghenguno I lochile ani keo? Tsala nongu no I lochile aghi aye, I no mtazü eno papashi nongu lochileve nani.

AMUS 1:6

Ampeu no ishi piani: “Gaza xine küthü ghenguno, eno bidi ghenguno Ni ye aghime süchilemo nani, kughengu panongu no timi kümtsü haphe sasü Edom lo jesüve tsüniye wuve.

AMUS 1:8

I no Ashdod lo xüküami ngo Ashkelon lo kükaküsü pe akeu ikhive nani; I no Ekron shou I u süqhe nani, eno Philistiami ghükulumi ye pühave nani,” ipi Ampeu no pivae.

Obadiah 1:12

Ikemu o thiküzüu nguküsa tsala lo pa ju anheshu kelauno alovi kevilo; Judah timi shou kütsakungo keu tsala lo alokivi shi akevilo; aghime tsala lo qheza kevilo.

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

ZEFANIA 2:4

Kughengu Gaza ye pighive nani, Ashkelon ye yenguyive nani; Ashdodmi ye pucho mta lono haleve eno Ekron ye nhüve nani.

ZEFANIA 2:5

Nongu azüghimkü lo küami, Kherethmi shiye haküsapue! O Philistiami yeghi Canaan, Ampeu tsa no o lachile anie, xüküami kühave moke kutolo I no nongu kütsaleve nani.

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

ZEKHARIA 9:5

Ashkelon no ti ithulupe msa nani; Gaza ghi amloiju ihi nani; Ekron ghi, kughengu pa küpkhü ye kübangüvae. Akükau ye Gaza lono pühave nani; Ashkelon ye küghüna moae;

AKIKIHI 21:8

Eno Ampeu no Moses vilo pi, “Apighi julho mlape aqhedu shou qhilo, eno khukhumu apighi no mighi püakeu ye ti jukelo viluve nani.”

JOSHUA 13:3

(Egypt kipelau Shihor lono ahuu küdau Ekron ghuthu kuto, ti ye Canaanmiw kepi kihi cheni; tipa qhalo Philistiami kükami pungu no hipaqo shou ka che, Gaza, Ashdod, Ashkelon, Gath eno Ekron), eno apeu Avvim yeghi lo akeqo,