ISAIAH 14:25 - Sumi Naga CL (Re-edited) Bible (BSI)

²⁵ I yeghi eno I toghi lono I no Assyriami kütsave no nedave nani; Iw timiqo launo panow kuokhasü eno abighi lono amakho ikhive tsüni.”

BAIBEL (BSI)

²⁵ Ino Israil yeghi lono Asiriyami kutsave nani eno iwu naghuto lono panoqo qodaneda nani. Ino iwu timiqo Asiriyami makho pu chekeu lono eno ape puchekeu lono khaqhipheve nani.

ISAIAH 14:25 Iomraidhean Croise

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 14:5

Ampeu no kixikilami küsü, yepemi kükaküsü hechheve tsüae,

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 52:2

Ayeghimkhu kuthove no ithughilo; tishino iqavelo, O Jerusalem, o kuo lo tsüghape akeu yikichhe lekho velo, o akughushi akeu Zion ngaqo.

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

EZEKEL 32:22

“Assyria ye li loji sasü tile ani, li no ghiqhive keqo, khunoqo li zütakikihi no pithive keno panoqo sükumo no li vehope ani.

EZEKEL 39:4

No eno ow aqokitikhi ngo timi khunoqo o gholo ani keno kümtsü Israel naghutoqo lono ikiqive nani. I no nongu pesü aghau jeli kümtsü lojive nani eno aluza lo tüghashiqo pelo tsüqhivepe nani.

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

MICAH 5:6

panoqo no azütakikihi pesü Assyria yeghi eno Nimrod kulaghi kheluve nani; eno kughou Pa no ni yeghi lo ighi no ni lughi lo iloghiveni keno, Pa no Assyriami launo ni xaphe nani.

NAHUM 1:13

Eno itehi ye I no o phi lono paw kuokhasü hechheve tsüni eno o kütsüghaqo sütha kütüta shive tsüni.”

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.