ISAIAH 14:2 - Sumi Naga CL (Re-edited) Bible (BSI)

² Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

BAIBEL (BSI)

² Ashiayeh kutomono Israilmi kuphu puzu AMPEU no panoqo tsupuakeu yeghilo idewolupe nani eno tilehi ashi ayehqo Israilmiqo quaxemi shi ghi panoqo qe nani. Khunoqono ghuthu lakhiloye Israilmi khasulu puakeno Israilmino tipaqo khasuluve nani eno Israilmi no panoqo nedaqhi chekemi shou ayehpe nani.

ISAIAH 14:2 Iomraidhean Croise

EZRA 2:65

aqemi kiptimi ngo totimi aqolo pano 7,337, eno kiptimi ngo totimi alephemi no 200.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

ISAIAH 18:7

Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

ISAIAH 31:8

“Eno Assyria ye timiw kumokeu zütakikihi lono ikiqi thive nani; ghüshimi no aghü zülono pove nani, lhothemi ye aqüaxe lo süve nani.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:22

Ampeu Alhou no ishi piani: “Julo, I no shiyeqo shou I u pesü kiche nani, eno panongu lau amchipu süqhe nani; panongu no nongu nuli au lono khapesü ighi nani, eno nongaqo abighi lono xapusü ighi nani.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 49:25

Kughengu Ampeu no ishi piani: “Akumtomi no akughu shipüa keqo ghi xapheve nani; mkamihi kemi no küghape püakeqo ghi xapheve nani; kughengu I no nongu mjo chekemi mjochile nani, eno nongu tianuliqo xalu nani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

ISAIAH 61:5

Tüsümi no puthughope, nonguw lhoxü lojiqo tucho nani; inaghami no nonguw alu kichimi eno atsailu chitsü nani;

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

JEREMIYA 30:16

Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

JEREMIYA 49:2

Ikehu Ampeu no sheshu, julo, I no Ammonmiw Rabbah shou aghüle kuni keu tsala cheni; ti ye kütsalepe amoqheve nani; tile aphuqo ye pitileve nani; tithiu Israel no khunono pano le keno tipaqo leluve nani, ipi Ampeu no piani.

EZEKEL 39:10

tishi kehu panongu ye aluza lo asü ghewu momu aghasüqo thaqhimo nani, kughengu panongu no aghünanuqo pesü ami shinani. Khunono pano pükaqhi eno xule puwuve tsü keno itehi ye panongu no tipanow xule puwuve tsü nani ipi Ampeu Alhou no asheshu.

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

JOYIL 3:8

I no Judah timiqo u lo no tianuliqo jesüve nani, eno panongu no putou akemi shiye Sabeami lau jepuwuve nani, kughengu Ampeu no piqhivae.”

ACHINE 25:44

No qüaxemi kiptimi totimi ghengu ye: nongu sümxape akeqo shiye launo nongu no qhülu nani.

Obadiah 1:17

Ikemu khunoqo no pokalu keno Zion toghi lo anani, eno ti ye akimthe shi nani, Jacob laghami ye pano mheghi ithuluve nani.

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

ZEKHARIA 2:9

“Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

Luke 12:45

Ikemu ti aqeu no pa mlouno, ‘I mpeu ye ighini keu kumnu auvae,’ ipi no aqemi ngo aqelimi peitha püsa thuve, eno aghulhu shino shomzü auve aye,

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Ephesiami 4:8

Ikehu ishi picheni, “Kughou Pa no kunguu iku keno Pa no akughumi kütsasa sawu, eno agho pesü timiqo tsüe.”

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.