ISAIAH 14:12 - Sumi Naga CL (Re-edited) Bible (BSI)

¹² “O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

BAIBEL (BSI)

¹² “Babilon kukau, inaqhe yepu vuqai chekeu, noye kungugha lono ikiqivae! Wovekeu tsalaloye nono ashiayehqo leluve cheke ikemu itehi noye ayeghilo kughape veqhivae.

ISAIAH 14:12 Iomraidhean Croise

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

JEREMIYA 50:23

Ayeghi yihesü ye kishita ikiqive no kuboleve kelae! Babylon ye kishi shiyeqo zülo jukümsapu shive akelae!

JEREMIYA 51:53

Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

EZEKEL 26:17

Panongu no nongu shou akumlo le phe nani eno nongu vilo pi nani, “‘Nongu azüghi mkülo küami, nongu ye kishi pühave akea, O ajekipi mishighüna, no ye azüghi lo akumtou; li eno li ghakütsami no tile akemi shithüghüi cheke!

Obadiah 1:4

Nono alhuqu toi kunguu yecheghi na, ayepuqo gholo o püsü shipüaghi namu, tilauno I no o sünhe saiqighive nani, Ampeu no shuphevae.

Luke 10:18

Pa no pi, “Tsütsüpha toi Satan no atsütsü lono ikiqive keu I no ithulue.

2 Peter 1:19

Itaghi ningu ye mtsüqhei keu tungkuptsa aphie, tsütho ipeche kelo inaqhe yepu no nongu lolo yepüvü tsümoke dolo hi ye aküzü-a lo aküvü akeshi anike nongu no amlo tsüqhiyilu aye alo nani.

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

Piyeküsü 2:28

Eno I no inaqhe yepu pesü pa tsü nani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 8:10

Kungumi aküthüu no pa fuko küigha kelo atsütsü lono ayepu kije lakhi akuluqhe toi phuphushi ikiqighi no aghoki eno azüpuki kikije küthü lo lakhi shou ikuve.

Piyeküsü 9:1

Kungumi apunguu no pa fuko küigha kelo atsütsü lono ayepu lakhi ayeghi lo ikiqighi keu I no ithulu, tipau ye akuthoku lo ilo kepu lashew khaqhiyi tsü püake.