ISAIAH 13:20 - Sumi Naga CL (Re-edited) Bible (BSI)

²⁰ Tiqheli kümtsü lo khunomu tile küghüna kithemo nani; Arabmi mu tile aphiki tshümae, ambekhemi mu tilau ambe qhimae.

BAIBEL (BSI)

²⁰ Timi khumu tipaulo kughuna kithe move nani. Arabmi itsu itsuchekemi namu tilehi pa phiki shipe ngomo nani, eno bherikhemi khumu tilehi atsu-aqu loji achu kumzau move nani.

ISAIAH 13:20 Iomraidhean Croise

YEKIKITHI AKINIU 17:11

Philistiami khami no agho pesü Jehoshaphat tsü, eno ghükayi no sükusho süqha shi tsü, Arabiami ghi pa lau ambetsü 7,700 eno ane 7,700 süghitsü.

JOB 3:7

Tipa ji pesü anuha shivetsü no alokivi küqa kühave peniu.

ALE KIMCHI 1:7

I ngulho no kimiye chekeu I lomi, I vilo pilo, no ye khileno o tsü-aqu achu kümza eno puchomghü lo khile püzüve cheni kea? Kughengu ni ye agi nhapu chekemi kimihishi o küsami tsü-aqu gholo cheche mlae.

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 25:2

Nono aphughi shipüsape atuli kughulhove tsü, aliwo akeu phughi kütsave tsü; inaghami kighiki pühave tsüke; aphughi ye khilemu shiqhekithe moae.

ISAIAH 34:17

Pa no tipaqo sala asaqhi no Pa u no pütüta saje ayeghi mighi tsüe; ikehu ti ye alholo panow shive no tiqheli no tiqheli lo tile auve nani.

JEREMIYA 49:33

Hazor ye tüngtügha kungo-a shive nani, ti ye alholo ixapinyive nani; khunomu tile küghünamo nani; eno khunomu ti kathamae.

JEREMIYA 50:13

Ampeu loghu ghenguno tile küghüna move nani ikemu ixapinyi qhive nani; ti kathawu kemi no thüghüi eno aghüzaku jukünatha nani.

JEREMIYA 50:21

“Merathaim ngo Pekod lo akemi le wulo. Panoqo pithi khave eno kütsaleve lo, ipi Ampeu no sheshu, I no azah tsükeu kümtsü shilo.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

JEREMIYA 50:39

“Tighenguno tüghashi ngo atine eno ostrich no Babylon lo auve nani. Tiqheli kupuju lo tile timi khilemu küghüna move nani.

JEREMIYA 50:45

Tighenguno Ampeu no Babylon lo küamiqo shou kughu püakeu eno Chaldea lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

JEREMIYA 51:29

Ayeghi no khokhoshi eno aküsü lono ihi ani, kughengu Ampeu kimji Babylon yeghi pesü timi kühano küghüve tsünikeu ye shi ayae.

JEREMIYA 51:37

Babylon ye atachu shi kütsaleve nani, tüngtügha kungo-a shinani, akümsapu eno thoküghapu-a shino timi küghüna move nani.

JEREMIYA 51:43

Li phughiqo ye kümsapu, züha eno asayeqha yeghi shivae, khunomu küghüna movae, eno khunomu kathawu movae.