ISAIAH 12:1 - Sumi Naga CL (Re-edited) Bible (BSI)

¹ Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

BAIBEL (BSI)

¹ Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

ISAIAH 12:1 Iomraidhean Croise

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

JOB 11:16

Nono o veküsa kümsümave nani; tipaqo ye züqozü no qowuve ketoi nono kümsülu nani.

JOB 13:16

Alhou kümthami ye Pa zülo ighi lumo nanie pikeu no I xakulupue.

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 71:21

Nono I pelo ikoishe lupe nani eno itaghi I lokughuno tsü nani.

LESHELE 85:4

Ni thoputho tsülo, O ni xakulu Lhou, eno ni launo O mlo kighide ikhipe wuve tsülo!

LESHELE 86:17

Nono kimiyetsü akeu michipu I piyelo, tishiaye I mithi chekeqo no ti ithulu no kujove nani kughengu Ampeu, Nono I kuphu eno I lokughuno tsüke.

LESHELE 9:1

I mlo kuchopu pesü I no Ampeu lau shikimthi tsüni; I no Ow akümzapu kümlaqo kümtsü kihikitheni.

ISAIAH 10:25

Kughengu ado hami thiu I loghu ye tave nani, eno tithiu ye pano kütsa nike puku nani.

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 14:3

Nongu ghime eno anguka lono nongu pelo akaghashi mlaithape chekeu lono kughou Ampeu no nongu kulhoqhi tsüni keno,

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 54:9

“I ghengu ye, hi ye Noah ghuloki lo toi anie: I no Noah züqo toikeu pelo khilemu ayeghi yimi keu shipe moae ipi ashoqhi shive ke, tihutoi ni ye nongu shou amlo idemo eno nongu lomipimo kepi tushoqhi ani.

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

ISAIAH 66:13

Aza no anga lokughunotsü keshi, I no nongu lokughunotsü nani; Zion lono nongu lokughunotsü nani.

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

JEREMIYA 31:13

Tile ilimiqo no alovi ilhe nani, apumi eno layemi no alovi nani. I no pano mloghuju pesü alokivi lo süvetsü nani; I no pano lokughuno tsü, amloksa theli lo alokiqi tsü nani.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 14:20

Tipa tsalani, “Ampeu lau Akimthe” ipi khurshi mqübo lo yepuku nani. Eno Ampeu kilo aliqo ghi akiptia lo akhuqo toi akimthe shinani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ZEKHARIA 8:11

Ikemu itehi Ni ye khaghi lo toi ghükulumi hipaqo peithamo nani, ipi aqokitikhi Mpeu no asheshu.

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

Rommi 11:15

Kughengu panongu kileqhive keu huno ayeghiqha no külashilu aye, panongu ikhiluveni keloye akithi lono aküxü shive keu kumo aye kiu no kimghini kea?