ISAIAH 11:9 - Sumi Naga CL (Re-edited) Bible (BSI)

⁹ Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

BAIBEL (BSI)

⁹ Alhou wu akimthe toghi Zion lo akuighupu eno shipusave kepu kiumu kuha nani. Azughilo azu chhitoi akeshi ayeghilo AMPEU kighithino chhitoi ve nani.

ISAIAH 11:9 Iomraidhean Croise

JOB 5:23

Kughengu o lulo atu akeqo ye o pünaqhimo nani, eno aluza lo tüghashiqo no o sasü külakishi lono anani.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

LESHELE 78:54

Pa no panoqo sasü Paw akimthe yeghi, naghuto khikhi Pa kumto pesü tolu keno tilau sawue.

ISAIAH 11:13

Ephraim nhekushu ye kühave nani, eno Judah peitha püsa kemi ye kütsave nani; Ephraim ye Judah jupe anheshumo nani, eno Judah ye Ephraim peitha püsamo nani.

ISAIAH 11:8

Angakughunu no cobra zülo ili nani, eno itimi no athicho kilo au chuxusü nani.

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 32:16

Tishino kuchou xakütha no asayeqha lo auve nani, eno achipiu mikucho no aghüma luza lo auve nani.

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

ISAIAH 35:9

Abongshuu momu ayiküsa tüghashi mu tilehi ighimo nani; tipaqo lakhimu ithumla nani ikemu xachile luve kemi no ti püla nani.

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 47:5

Itaghi pa no auxakuchho 500 mighiju kelo ti ye aghoki ilhouve kehu ni ye katha mlave, kughengu azü no thoikughive. Ti ye azümihi kepu qhemishi thonheive, aghoki ye kathalu kepu shimove.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

HOSIYA 2:18

Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.