ISAIAH 11:4 - Sumi Naga CL (Re-edited) Bible (BSI)

⁴ ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

BAIBEL (BSI)

⁴ Paye anhethino ithukulu likhi lono kughathamo nani, momu chikulu lo likhino xathabe mo nani; pano kumlhomiqo ghenguno achipiu lono kughatha nani; eno ichhe imechekemi chipiu phujutsu nani. Pano ahza tsukelo timi ghimeqhive nani, eno kixikilamiye pa tuthu kishe lono pithive nani.

ISAIAH 11:4 Iomraidhean Croise

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

JOB 15:30

pa ye aküzü lono povemla nani; ami no pa khuni pitileve nani, eno Alhou tuthukishe lono pa ye fupe wuve nani.

JOB 4:9

Panongu ye Alhou tuthukishe lakhi lono pühave cheni, eno Pa xukighide mülhü no panongu kütsave cheni.

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 18:8

Pa nigipe lono amchhi phoipeghi, eno Pa kichi lono ami mili, amibalu iqü akeu ipeghie.

LESHELE 2:9

Nono ayiküsü pesü panoqo ghaqhi nani eno ayeghi li kuboke toi panoqo vepho pinyi nani.”

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 14:30

Iw timi kumlhomi ngo aveküsami no chusholu eno akulhoqhilu nani; ikemu Philistiami ye ghümono akuhu kutolo I no püqümiye pesü ghaveni.

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

ISAIAH 26:6

Itehi ye kumlhomi ngo küha kemi pukhu no ti nedasü chewu ani.”

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 30:28

Pa tuthu ye aghoki zü no akuo kutolo vesü ikughive ketoi ke. Pa no kütsakungo keu pesü shiyeqo ijoni ke sükuchoqhi cheni, eno panoqo sabide nike khurshi toi akichi lo ayi sütsü cheni.

ISAIAH 30:31

Ampeu sütsa chilu kelo, Pa qheküsü pesü küzaqhi kelo Assyriami ye thüghüive nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 32:1

Julo, akükau no achipiu mikucho lono ayepe nani, eno yepemi no kuchou xakütha lono ayepe nani.

ISAIAH 32:7

Amqükiniu ghengu ye, pa mqü ye alhoksae; pa ye kumlhomi no achipiu shi apülaghi akimki tsa pesü pa ghesüqhi niye kixikila mqü kuchughu cheni.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 40:7

Kughou Ampeu no tipaqo shou fupukuni keno, atsüni no ighüive, axamunu no hailove cheni; kuchou no timi ye atsüni ke.

ISAIAH 49:2

Pa no I kichi pesü azütakikihi kütsügha toi shitsü; Pa u kicheqho lo I küsüpe qhi; Pa no I küghape apiji phuphushi keu toi qhike; Pa pijibo lo I küghütshü ke.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 33:15

Tipa tsala eno aghuloki lo David ghenguno amikucho Loka lakhi I no ishe ipeghi penani, eno pa no ayeghi lo achipiu eno amikucho xakütha shinani.

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

HOSIYA 6:5

Tighenguno I no tungkupmi vecheo panoqo michevae; I kichi lo tsa pesü I no panoqo ghiqhivae, eno Iw küghakütha ye aküvü toi ipeghi nani.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

MALAKI 4:6

Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 5:5

“Mtshaivü kemi kümghapue, kughengu panongu no ayeghi mheghi ighilu nani.

Apostolmi 9:1

Saul ye Ampeu papemi pithiveni pi shikichi ae, pa no achinetou lau wuno

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

Galatiami 5:23

akümtsha, alikhi aghasükulu; hitoi keqo shou ayezah kiumu kühae.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Titus 3:2

Khuu vilomu atsa lhoksa pipe kevi, mtomshu pekevi, ikemu kümtsü lau mtshaivü no akhuaye kivi piye pelo.

James 3:13

Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.