ISAIAH 11:3 - Sumi Naga CL (Re-edited) Bible (BSI)

³ Ampeu sükümsa no pa züküvü shinani. Pa ye ithukulu kiqi lono küghathamo momu chikulu lono xathamo nani,

BAIBEL (BSI)

³ Paye AMPEU pulou ithi nani eno pa gihu nani, eno pa ghokulu shinike amloqi nani.

ISAIAH 11:3 Iomraidhean Croise

SAMUEL AKINIU 14:17

Eno o qeliu no kümsü, ‘I mpeu akükau tsa no I pelo akulhoqhi lupe nani,’ kughengu I mpeu akükau ye kivi-küsa michi lunikeu lo Alhouw kungumi toike. Ampeu o Lhou no o gholo apelo!”

SAMUEL AKINIU 14:8

Tile akükau no topumi vilo pi, “O kilo wovelo, eno I no o ghenguno azah tsüni.”

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

JOB 12:11

Ataha no achuqupu michelu ketoi akini no atsa kimchi mlani kea?

JOB 34:3

kughengu ataha no achuqupu miche chekeshi akini no atsapi piqhiju cheni.

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

AHOLE 2:9

Nono I tsa ini aye achipiu eno amikucho, aghibiu eno alaghi kivi kümtsü ithikuthulu nani;

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

EZEKEL 45:8

Hi no Israel lo kükapuu mheghi shini. Iw kükapumi ye Iw timiqo qodaqhi kithe moae, ikemu panongu no Israel laghami pelo ashiaye kiqi lono ayeghi alupe nani.

MICAH 4:3

Pa no ashiaye kutomo dolo küghatha tsü nani, akumto shiye putou akeqo ghenguno xathatsü nani; panongu no pano zütakikihi hepha pesü akuphu mlave nani, eno pano ngupa pesü asübo kikixi züta shive nani; shiye lakhino lakhi shou azütakikihi peqhemo nani, momu aghü küpüghümo nani;

Luke 2:52

Jisü ye alokütsü eno aphimpi kümtsa thuwu küqha no Alhou ngo timi mlokiqipu shilue.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

John 7:24

Agi juno küghatha kevilo, ikemu achipiu küghakütha pesü küghatha lo.”

IBRIMI 5:14

Ikemu akümka chuqupu ye kichimi, khunono akivi aküsa dolo kütüta shiniye kimchikulupu küka lono qophe puthupe alhokuthu pepimhe acheni keno, panongu ghenguno ke.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”