ISAIAH 11:2 - Sumi Naga CL (Re-edited) Bible (BSI)

² Ampeu Ghungu no pa shou anani, alokütsü ngo vethakulu Ghungu, mijekütsü ngo aküka kumto Ghungu, akighithi ngo Ampeu sükümsa Ghungu no pa shou anani.

BAIBEL (BSI)

² AMPEU Ghungu no alokutsu ngo akighithi eno asuqekithi pawu timiqo shou ayehpelu penike pa tsu nani.

ISAIAH 11:2 Iomraidhean Croise

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

IPEKULU 28:3

No ye atshamgha shikithimi khunoqo lau I no kütshakügha ghungu tsüpüani keno panoqo pelo Aaron phimini mla penike pütsalo, tishianguno pa pelo pa küxü ikhiphepe I chinemi shipenie.

ISAIAH 28:6

kuchou xakütha nguagha pesü küghatha chekemi tsü nani, akumto pesü khagho lo aghümi tuchile chekemi tsü nani.

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 48:16

I kupunu ighilo eno hi inilo: abothu lonomu Ni ye tuqhou lono pi püamoe, atsa tipau no I lau ighike ghuloki lono Ni ye tile ake.” Itehi ye Ampeu Alhou no ni eno Pa Ghungu puwu ani.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

MATTHEW 3:16

Kughou Jisü baptiz shitsü keno, paikhavi pa no azü lono ithughi kemtsa, julo, atsütsü pa lau khaqhitsü, eno miqhedu no yewu chekeshi Alhou Ghungu iqighi no pa shou ngove keu pa no ithulu;

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

ZAKINIU 34:9

Nun nu Joshua ye alokütsü no chhitoive, kughengu Moses no pa shou au beno kümgha tsüe. Ikehu Israelmi no Joshua gholu eno Ampeu no Moses vecheo azah tsükeu papeke.

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,