ISAIAH 11:14 - Sumi Naga CL (Re-edited) Bible (BSI)

¹⁴ Ikemu küma küqhano kulolau Philistiami lewu nani, eno kipelaumi nhemgha xülepe wuve nani. Küma no Edom ngo Moab mhoqhive nani, eno Ammonmi no küma gholu nani.

BAIBEL (BSI)

¹⁴ Kuma kumqoluve puzu kulolau Filistiyami lewu nani eno kipelau akemiqo tuleqhi leluve nani. Kumano Edommi ngo Muabmi shou aghutoluve nani eno Amunmino panoqo ghokulu shi nani.

ISAIAH 11:14 Iomraidhean Croise

ISAIAH 14:29

O Philistia, nongu ghimeche keu küsü ichevae pi alovi kevilo, apighi kuhu lono tsütsüla ipeghi nani, eno pa ti no athicho pighi toi nani.

ISAIAH 15:1

Moab ghenguno pimhelu keu tsape. Moab ye pighivae, kughengu Ar ye kijili lakhi lono kütsavae, Moab ye pighivae, kughengu Kir ye kijili lakhi lono kütsavae.

ISAIAH 16:14

Ikemu itehi ye Pa no ishi pivae, “Aqekiqemi no ado kihiche keshi ampe küthü dolono Moab jekipipu ye thoküghapu shive nani, paw timi kütsasa ache keu dolo ghükulumi ye aghulo eno miqemlei kemi likhive nani.”

ISAIAH 25:10

Kughengu Ampeu u no hipau naghuto khe anani, ikemu Moab ye tübatüzü lono aghijini qoda keshi pa-a lono qodave nani.

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

JEREMIYA 40:11

Titoi Jewmi Moab lo, Ammon lo, Edom lo, eno ayeghi kütau akeqo no Babylon kükau no Judah lo ghükulumi qhive no panoqo shou Gedaliah pesü angh shi penike süsüvae pi chilu kelo,

JEREMIYA 48:40

Kughengu Ampeu no ishi piani: “Julo, alhuqu no pa chishibo sükhope yeiqiche keshi, shiye lakhi no Moab küzüluve niye ani;

JEREMIYA 49:2

Ikehu Ampeu no sheshu, julo, I no Ammonmiw Rabbah shou aghüle kuni keu tsala cheni; ti ye kütsalepe amoqheve nani; tile aphuqo ye pitileve nani; tithiu Israel no khunono pano le keno tipaqo leluve nani, ipi Ampeu no piani.

JEREMIYA 49:22

Alhuqu no achishibo sükhope yeiqighi keshi aghümi no Bozrah leighi nani. Tipa tsala lo Edom ghütomi mlo ye apunu küsü lo akeu totimi mlo toive nani.”

JEREMIYA 49:28

Kedar ngo Hazor kükaqha Babylon kükau Nebuchadnezzar no leluve keqo ghenguno. Ampeu no ishi piani: “Ithulo, Kedar leluve lo! Kipelau timiqo kütsave lo!

EZEKEL 25:14

Iw timi Israelmi vecheo I no Edom shou amkhülu nani, eno panongu no Edom shou I mlokighide eno I loghu kiqi lono mla nani, panongu no I mkhükulu ithi nani, Ampeu Alhou no asheshu.

DANIEL 11:41

Pa no ajuküvü yeghi lo ighi nani. Qhethonhe chighi piqi no ikiqive nani, ikemu hipaqo ye pa u lono xaphe luve nani: Edom ngo Moab eno Ammonmiw akhoto-a.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

AMUS 9:12

tishianguno panoqo no Edom lo ghükulumi eno shiye khipaqo Iw ke ipiche keno tipaqo leluve nani,” ipi Ampeu khuu no hipau shi cheni keno Pa no piqhivae.

HABAKUK 1:8

Panow khurshiqo ye angshuu amikhiu nguno akümthüu, avela tineqo nguno ayiküsau; panow khurshimi no kushuo lono kokoshi ighi; panongu no tsüqhini ke alhuqu toi yesü ighi.

ZEFANIA 2:5

Nongu azüghimkü lo küami, Kherethmi shiye haküsapue! O Philistiami yeghi Canaan, Ampeu tsa no o lachile anie, xüküami kühave moke kutolo I no nongu kütsaleve nani.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

XAKUTHAMI 6:3

Kughengu kugho kughomu Israelmi no tüxatini alu lo yisü aye, Midianmi ngo Amalekmi eno kipelau shiayeqo no panongu lenike iqhoghi che.