ISAIAH 11:10 - Sumi Naga CL (Re-edited) Bible (BSI)

¹⁰ Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

BAIBEL (BSI)

¹⁰ Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 11:10 Iomraidhean Croise

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

YEKIKITHI ATUGHIU 2:12

Obed eno Jesse.

LESHELE 116:7

O I ngulho, O kulhokiqhi-a lo ideighilo; kughengu Ampeu no nibonilei o lau mlave tsüae.

LESHELE 145:11

Panongu no O kükaqha juküvü ghili kügha nani eno O küka ghili pi nani,

LESHELE 149:5

Alhou timiqo pelo ajuküvü lono alovishe pelo; pano lüpa lo alokivi shi alephe pelo.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

LESHELE 91:4

Pa no Pa chishibo pesü o nhaluve nani; eno no ye Pa chishibo qholono sükusho ithulu nani; Paw pükhükulu ye azüto eno süshoyi ke.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 14:3

Nongu ghime eno anguka lono nongu pelo akaghashi mlaithape chekeu lono kughou Ampeu no nongu kulhoqhi tsüni keno,

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 28:12

panoqo vilo Pa no khaghi no pi, “Hino akulhokiqhi eno iqünhei keu ke; qeinaive kemi kulhoqhi tsülo”; ikeghi panoqo no ini tsümoe.

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

ISAIAH 49:22

Ampeu Alhou no ishi piani: “Julo, I no shiyeqo shou I u pesü kiche nani, eno panongu lau amchipu süqhe nani; panongu no nongu nuli au lono khapesü ighi nani, eno nongaqo abighi lono xapusü ighi nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

ZEKHARIA 6:13

Ampeu chineki shiqheni keu, ayekipe gigihu xapu eno kükalakhü lo iqa no ayepeni keu ye pa ke. Pa kükalakhü lo achinemi lakhi anani, eno külakishi no pama dolo anani.”’

AKIKIHI 10:33

Tithiu panongu no akimthe toghi lono atsala küthü ghüzüla lo wuve. Eno AMPEUw Puloshoqhi Bohu no atsala küthü panongu züuno aghazü-a phunike wuve.

MATTHEW 12:21

eno pa je lono shiyeqo no lajube nani.”

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

John 12:32

Kughou ayeghi lono ni ikhiqhe luveni keno, I no timi kümtsü I lau sünhe luve nani.”

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 28:28

Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”