ISAIAH 10:20 - Sumi Naga CL (Re-edited) Bible (BSI)

²⁰ Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

BAIBEL (BSI)

²⁰ Aghuloki wocheni, Israilmi khunoqo puxupe aghini keno tipaqoye pano kutsakhaveni cheghikeu shiayeh shou pukhube mlave kepu shi nani. Panonguye kuchouno AMPEU Israilmi Lhou akimtheu lau pulubekeu qhilu nani.

ISAIAH 10:20 Iomraidhean Croise

KUKAMI AKINIU 16:7

Ikehu Ahaz no Assyriami kükau Tiglath-pileser lau atsapemi puwu no pi, “Ni ye o qeu eno o nu. Ighi no Syria kükau ngo Israel kükau pama u lono I xaphelu tsülo kughengu pama no ni leighi ani.”

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 28:16

Tipa ghuloki lo akükau Ahaz no Assyria kükau lau akukuphu khu puwu.

YEKIKITHI AKINIU 28:20

Assyria kükau Tiglath-pileser no pa shikumto nike züqhulo ighi no pa ghimeqhi.

EZRA 9:14

imaye ningu ye itaghi O zakütsüqo hexave no timi khunoqo no aphikümqhüpu hipaqo pape cheni keno tipaqo sasü kütshükungo külauni keshea? Nono ni kütsave no ghükulumi momu pokaluni kemi kühave pemoke kutolo No ye ni jupe axuide moni keshea?

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

JEREMIYA 3:23

Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”

JEREMIYA 44:14

tishianguno Judah lo ghükulumi khunoqo Egypt lo xüuve niye ighi keno milakhimu polu pemo momu Judah lo idewoni shi anamu wopemo nani. Kupokichemi khami kumo aye panoqo gholo milakhimu idewolu monani.”

HOSIYA 14:3

Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

HOSIYA 5:13

Ephraim no pa küsü ithulu kelo Judah no pa ghüzaku ithulu kelo, Ephraim no Assyria lau akukuphu, akükau akijeu lau khu puwu. Ikemu pa ye o shipivi mla momu o ghüzaku shipivi tsümlae.

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”