ISAIAH 10:2 - Sumi Naga CL (Re-edited) Bible (BSI)

² Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

BAIBEL (BSI)

² Nonguno tishi puzu kumlhomi pelo achipiu ithulu nikeu eno amikucho kughakutha ithulu kepushi akeu ithumlave cheni. Nonguno tishi puzu topuchimemi ngo mighimghaqo tinhemgha luvetsu cheni.

ISAIAH 10:2 Iomraidhean Croise

JOB 31:16

“Tsala kumlhomi no laju chekeu I no süchilelu püaghi, momu chimemi püqapunu püzü anhebo khoivepe aghi aye,

LESHELE 94:6

Panongu no chimemi eno kicheghüzümi pithive, eno mighimi ghiqhie;

IPEKULU 23:6

“Atsa kükügha lo no ye kumlhomi launo pa chipiu tuchighive tsümoni.

AHOLE 22:22

Kumlhomi ke shiaghi kehu paw süxa luve tsü kevilo, küghakütha-a lo shilusa akeqo chunudaqhi kevilo,

AHOLE 30:14

Khami ye ahu no azütakikihi eno azütachi toi xijope ayeghi lono kumlhomi ngo aveküsami tsüchuve niye pükapütsa cheni.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

ISAIAH 32:6

Kughengu mbomzümi ye anikha tsa picheni, pa ye Ampeu shou akumou pi-shiniye eno chuqu-kusho pesü müzü tüghü akemi ghapiqi tsümo niye pa mlo no akimighi shi axine kuchughu acheni.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

ISAIAH 59:15

Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

AKUMLO 3:35

Shishe Akiqheu zülono kuchou xakütha miliveni keu,

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

AMUS 2:7

Panongu no ayeghimkhu lono kumlhomi kütsü qoda eno iju akemi la tutsüghüve tsü; anu ngo apu pama gha aqelimi lakhi sazü no I je kimthe shikitiqe ke;

AMUS 5:19

milakhi no abongshuu launo poche kelaye ava sholu ketoi, momu aki lo ilo pa u no atozü bu kelaye apighi no mighi ketoie.

MICAH 3:1

I no pi: inilo, Jacob lagha lo sakiphemi eno Israel yepemi! Nongu ye kuchou xakütha ithi masake kumo?

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.