ISAIAH 10:12 - Sumi Naga CL (Re-edited) Bible (BSI)

¹² Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

BAIBEL (BSI)

¹² Ikemu AMPEU no pike, “Kughou Zion toghi lau eno Jerusalem lau ino kiu shitsu ani keno tipau shitave puzu Asiriya kukauno pa qhekuzashi akuchhoma shikeu ghenguno ino pa ghimeqhi nani.”

ISAIAH 10:12 Iomraidhean Croise

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

LESHELE 18:27

Kughengu Nono aqhokighemi xalu cheni, ikemu tsütsüngoju kemi ye Nono sünheqhive cheni.

LESHELE 21:10

Nono ayeghi lo timiqo gholono pano lagha eno atikughuko kütsave nani.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

LESHELE 76:5

Aghütomi no hakholu keu kümtsü luve tsüe; panongu ye akithi küzü züani; ghüshimi kümtsü no pano phiau peitha mlavae.

AHOLE 21:4

Tsütsüngoju keu nhethi eno aqheküza mlo ye kixikilami kulu, ti ye axine ke.

AHOLE 30:13

Khami ye kishi aqheküza nhethi xapu acheni eno kiutoi tsütsüngoju acheni kepi lae!

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

ISAIAH 27:7

Ampeu ye Israel ghümi ghime ketoi Israel ghimeju kea? Momu Israel ghiqhi kemi lau toi Israel ghiqhiju keshea?

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 5:15

Timi kümtsü sünheqhipe kuchunivae, aqheküza nhethi xapu kemi kuchunivae.

ISAIAH 50:11

Julo, nongu khunono kütami kütsave niye kuchughu, eno kütami ghüza nike akuluqhe küiqü cheni keno, nongu no pechekeu mi küvü eno akulu küqükeu küvü lono chewulo! Nongu ye I u lono küsakusho hi sholu nani, eno aghime lono nongu pepüzüve nani.

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

ISAIAH 9:9

Ephraim eno Samaria lo küami kümtsü no ithi nani, ikemu pano mlo lono qhezalaki ghi pi nani:

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

JEREMIYA 50:18

Tighenguno, aqokitikhi MPEU, Israel Lhou no ishi piani: Julo, I no Assyria kükau ghimeqhi ketoi Babylon kükau Nebuchadnezzar ngo pa ghakhumi ghimeni cheni.

JEREMIYA 50:32

Aqheküzami ye küpxape ikiqive nani eno pa sünheqheni kemi küha nani. I no paw mishighünaqo lo ami süvetsü nani, eno tino pa sümxape akeu kümtsü kütsaleve nani.

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

EZEKEL 31:14

Hi kümtsü shikeu ye azü no vapütsü puthu keu süboqo kiumu chuqumghai thuiku khüngküsü topemo, eno kiukiu sübo namu azü itsülu keu ye thuiku tipaqo tolupe moniye ke. Kughengu tipaqo ye kümtsü ayeghi qhou, timi nuli khunoqo no akithi yeghi lo ilove akeno panoqo gholo thive penike ikhiphe tsüvae.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

AKIKIHI 24:24

Ikemu Kittim lono zükilu ighi no Asshur ngo Eber le nani; eno pa ghi kütsakungove nani.”

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?