ISAIAH 1:4 - Sumi Naga CL (Re-edited) Bible (BSI)

⁴ Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

BAIBEL (BSI)

⁴ Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

ISAIAH 1:4 Iomraidhean Croise

BOTHUBO 13:13

Sodommi ye küsakügha, Ampeu shou axine kije shiche kemie.

KUKAMI AKINIU 21:22

Pa ye Ampeu pa puasüqo Lhou milive eno Ampeu yezah lo chemove.

YEKIKITHI AKINIU 12:1

Kughou Rehoboam no pa yepe iqhikumto pe mtotoi luve keno, pa eno pa gholo Israelmi kümtsü no Ampeu yezah milive.

YEKIKITHI AKINIU 27:2

Pa ye Ampeu zülo kiu no achipi keno shike, eno Ampeu chineki alou ilomo kethono papu Uzziah no shikeu kiqi lono thokha shie. Ikemu timiqo no shiküpsa khuaye pape wuve.

NEHEMIA 1:7

Ningu no O zülo kixikila shivae eno Nono Ayezah ngo akhuaye khikhi O qeu Moses vecheo ni tsü keno tipaqo pemove ke.

LESHELE 58:3

Atita lo aphi lono kixikilami ye küqüve cheni; apunu lono ala vepimive eno akimki tsa picheni.

LESHELE 71:22

O I Lhou, O pükhükulu ghenguno I no akighilebo pesü O sheqheni. O Akimtheu, Israel Lhou, I no küghaküsü lebo pesü O shipilini.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

LESHELE 78:41

Anguno anguno panongu no Alhou ghukeju ke, eno Israelmiw Akimtheu mlo ghimepu süghike.

LESHELE 78:57

pano puasü toi idewove eno amikucho kumo shive; panongu ye apiji kughuho toi pükhübe mlae.

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

LESHELE 89:18

Kughengu No ye pano juküvü eno akumto ke, eno O kikimiye vecheo Nono ningu kibo süqhe tsüe.

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 1:28

Ikemu hekibidemi ngo axinemi ye kümtsa kütsave nani, eno Ampeu pheve kemi ye pithive nani.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 14:20

Nono ow timi ghiqhive eno o yeghi kütsapinyive ke ghenguno no ye kükami kütami gholo shiqhomo nani. “Küsakügha polo kughukomi ye khilemu jekukithe pemoniu!

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 30:15

Kughengu Ampeu, Israel Lhou Akimtheu no ishi pi, “Xaide no pükhübelu keu lono nongu xalu ani; iqüghai pükhübe keu no nongu kumtopu shinani.” Ikemu nongu no pulomo

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 31:2

Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

ISAIAH 65:11

Ikemu nongu khunoqo Ampeu qhive keno, khunono I kimthe naghuto kümsümave keno, Angukümgha ithulu niye achuqupu pesü mlla chekeqo, eno Kükümgha ithulu niye atsaiji jeli kitekungo chekeqo,

ISAIAH 65:3

timi hipaqo ye tamomithe pekipheshi I xukutho cheni, aghutuqo lono aghashi cheni, eno pititu shou no akümllagho tsücheni;

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 2:33

“No ye kishita o la shesü kikimiye phuwu kelae! Tishi kehu kixikila totimiqo ghi nono o laghiqo shika ke.

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JEREMIYA 32:32

kughengu Israel ngo Judah tianuliqo kümla lhoksa jeli no I mlo shikighide tsüke—kükami ngo hiyampemi, achinemi ngo tungkupmi, Judah ngo Jerusalem lo küxümiqo kümtsü noke.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 51:5

Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

EZEKEL 14:5

tishianguno Israelmi no pano julhoqo vecheo pano mlo I launo tsüghüsü wuve keu I no luchile luniye ke.

EZEKEL 16:33

Kiptimiqo no kütüqhalimi kümtsü agho tsüe, ikemu nono o lojipumi kümtsü lau agho tsüe, eno kütüqha akeu küdau ighi peniye külügho panoqo tsüke.

EZEKEL 16:45

No ye o za, khuu akimi ngo atianuli mithi cheni keno, li nga ke; eno no ye o tsünipulimi, khunono pano kimiqo ngo pano tianuliqo mithi chekeno tipaqo tsünipu ke. O za ye Hittimi eno o pu ye Amorimi ke.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

MATTHEW 23:33

Nongu apighiqo, eno apighitiqo, Ami lo iloni keu ghime lono nongu ye kishi poluni kea?

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 29:25

Tileno timiqo no pi nani, ‘Ti ye panongu no Ampeu pano puasü Lhou no Egypt lono panoqo saipeghi kelono puloshoqhi shikeu panongu no pemove kehue,

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 32:19

“Ampeu no hi ithulu no panongu milive, kughengu pa nuliqo no Pa ghujue.

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Piyeküsü 18:5

kughengu li xine ye amoqhe keshi iku kungugha to ani, ikehu Alhou no li kipimi kümsüchilelu anie.

XAKUTHAMI 10:10

Ikehu Israelmi no Ampeu lau ighamku pi, “Ningu no O zülo küsakügha shivae, kughengu nino ni Lhou pheve no Baal mllauve ke.”