ISAIAH 1:30 - Sumi Naga CL (Re-edited) Bible (BSI)

³⁰ Kughengu nongu ye aphisübo nipa ighive ketoi eno azü küha keu ghutu toive nani.

BAIBEL (BSI)

³⁰ Nonguye aphisubo thivekeu toive nani eno khunomu azu sumovekeu ghutu toi thive nani.

ISAIAH 1:30 Iomraidhean Croise

BOTHUBO 12:6

Abram no chesü Shechem lo a-a lakhi Moreh lo aphisübo akeu lo ighi. Tipa ghuloki lo Canaanmi ye tile acheghi.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

ISAIAH 58:11

Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

MATTHEW 21:19

Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.