ISAIAH 1:23 - Sumi Naga CL (Re-edited) Bible (BSI)

²³ Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

BAIBEL (BSI)

²³ Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 1:23 Iomraidhean Croise

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

IPEKULU 23:8

No ye külügho lumoni, kughengu külügho no mtsümishei ithulu chekemi nhethi kighicheve tsü cheni eno khunono achipiu küdau ani keno panoqo chipiu süchighive tsü cheni.

AHOLE 17:23

Kixikilami no achipiu xakütha tuchighive tsüniye tuqho-tughou no külügho luve cheni.

AHOLE 29:24

Küpkami küsami shikeu ye pa likhi pa ghümi, timi no pa ghusho keu chilu apülaghi pa ye kiumu pichemoe.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 1:22

Ow ghükayi ye abaghu shivae; o tsaizü akiviu ye azü kitevae.

ISAIAH 28:14

Ikehu nongu thoküghami khunoqo no Jerusalem lo timi hipaqo shou ayepe cheni keno Ampeu tsa inilo!

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

JEREMIYA 32:32

kughengu Israel ngo Judah tianuliqo kümla lhoksa jeli no I mlo shikighide tsüke—kükami ngo hiyampemi, achinemi ngo tungkupmi, Judah ngo Jerusalem lo küxümiqo kümtsü noke.

JEREMIYA 4:17

Li no I mjochile kehu panongu alu khemi toi li botha luvae, Ampeu no asheshu.

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

EZEKEL 12:2

“Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

HOSIYA 4:18

Pano ji shokhave kemtsa panongu no kütüqhauve cheni; panow yepemi no akukujopu kimiyekütü cheni.

HOSIYA 5:10

Judah sakiphemi ye alughitu tukiqeve chekemi toike; panoqo shou azü lepuku keshi I no I loghu lepuku nani.

HOSIYA 9:15

Pano lhoksa qhoi Gilgal lo ani kehu tilauno I no panoqo jumithi thuveke. Pano kixikila ghenguno I no I ki lono panoqo haphe nani. Ni ye panongu kimiye moae; pano sakiphemi kümtsü no hekibidemi ke.

AMUS 5:12

Kughengu no xine ye khije eno kishi kije keno I no ithi ani— nongu no achipiu mikuchomi kijipüsa, külügho lu, eno khagho lo aveküsami juzüve chenie.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 3:9

Hi inilo, nongu Jacob lagha lo sakiphemi eno Israel lagha lo yepemiqo, nongu no kuchou xakütha mithi eno müzüchoi keqo kümtsü tuchighive tsüke,

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

ZEKHARIA 7:10

chimemi, mighimi, shoinami momu kumlhomi nedaqoda kevilo, eno nongu dolo khunomu amlo lono lakhino lakhi shou alhoksa kuchughu kevilo.”

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

AKIKIHI 22:7

Tighenguno Moabmi ngo Midian sakiphemi no asakiqhi jume pesü wuve no Balaam lau Balak sütsa süghi.

MATTHEW 21:13

Tipaqo vilo pa no pi, “Ishi yepüani, ‘I ki ye akighini ki ipi ku nani,’ ikemu nongu no hipau pesü küpkami küghütshü-a shive tsüae.”

Mark 11:17

Pa no timiqo kütsüshika akelo panoqo vilo pi, “‘I ki ye shiye kümtsü ghenguno akighini ki ipi ku nani’ ipi yepüani ke kumo? Ikemu nongu no tipau pesü süxakuchumi küghütshü-a shive tsüae.”

Luke 19:46

eno panongu vilo pi, “Ishi yepüani, ‘I ki ye akighini ki ipi kunani,’ ikemu nongu no ti pesü küpkami küghütshü-a shive tsüae.”

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.