IPEKULU 8:20 - Sumi Naga CL (Re-edited) Bible (BSI)

²⁰ Tithiu Ampeu no Moses vilo pi, “Inaqhe itheno ithu Pharaoh no azü luniye wuche kelono pa zülo puthugho lo, eno pa vilo pilo, ‘Ampeu no ishi piani, “Iw timiqo puwuvelo, tishianguno panongu pelo I mllalu pelo.

BAIBEL (BSI)

²⁰ AMPEU no Muse vilo pi, “Thanau inaqhe itheno wupuzu akukauno aghokilo wuche ke lono pa sasu kushono pa vilo AMPEU no ishi pi ani pilo, ‘Iwu timiqo pelo wuve pelo tishianguno panonguno imllalu penike.

IPEKULU 8:20 Iomraidhean Croise

LESHELE 105:31

Pa no azah tsükelo amiyi no taighive, eno amthuqo no pano ghakhu kupuju nhakhave.

LESHELE 78:45

Pa no amiyi loji panongu lau puwu no tsaqhipe, eno achuyi puwu, tipaqo no panongu kütsave ke.

IPEKULU 2:5

Ikelo Pharaoh nonga no azükuchhu nike aghoki lo iloghi, eno li qelimi no aghoki mkülo cheiqho-iqi ae. Li no amtüli lo ashoghi aghikeu ithulu no li qelimi hapuwu, eno li no tipau ikhiluve.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 4:23

eno I no o vilo pi ani, “I nu puwuvelo tishianguno pa pelo I qe penie.” Tsala nono pa puwumo aye, julo, I no o nu anoghiu pithive tsüni.’”

IPEKULU 5:1

Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’”

IPEKULU 5:3

Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.”

IPEKULU 7:15

Pharaoh no inaqhe azü luniye wuche kelono pa lau wulo. Nile mkülo pa kusholu kepu shi puthugho lo, eno o u lo aküsü apighi ilhouve keu pewulo.

IPEKULU 8:1

Tithiu Ampeu no Moses vilo pi, “Pharaoh lau ilolo eno pa vilo pilo, ‘Ampeu no piani, “Iw timiqo puwuvelo, tishianguno panoqo pelo I mlla penie.

IPEKULU 8:21

Tsala nono Iw timiqo puwumo aye, julo, I no amiyi loji o shou, o qemi eno ow timiqo ngo o kibo shou puwu nani. Eno Egyptmi kibo ngo panongu no puthugho akeu yeghi shou amiyi loji no chhitoive nani.

IPEKULU 9:13

Tithiu Ampeu no Moses vilo pi, “Inaqhe itheno ithu Pharaoh zülo wulo eno pa vilo pilo, ‘Ampeu, Hebrewmi Lhou no ishi piani, “Iw timiqo puwuvelo, tishianguno panoqo pelo I qelu pelo.