IPEKULU 7:23 - Sumi Naga CL (Re-edited) Bible (BSI)

²³ Pharaoh no pa kilo ideilove, eno pa ye pa mlomu süimoe.

BAIBEL (BSI)

²³ Akukauye tipaughi jukutomono pa kuka kilo idewove.

IPEKULU 7:23 Iomraidhean Croise

JOB 7:17

Timi ye kiue pi Nono kümsü pivi eno O mlo kümtsü pa shou bepe

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

IPEKULU 7:22

Ikemu Egypt lo küdüumi ghi panow tuqhou mqü vecheo tipaphi shilue. Ikehu Pharaoh mlo ye kuthovi auve, eno Ampeu no pi ketoi, pa ye pama tsa ini tsümove.

IPEKULU 7:24

Eno Egyptmi kümtsü no azü yeni ye Nile mkülo azükikhe chu, kughengu panongu ye Nile zü yelu kepu shimlave ke.

IPEKULU 9:20

Tishino Pharaoh qemi dolo khunoqo no Ampeu tsa sümsache keno panongu no mtazü pa qüaxemi ngo pa tsü-aquqo aki lo hasaghive,

IPEKULU 9:21

ikemu Ampeu tsa lo amlo tsümo keqo ye pano qüaxemi ngo atsü-aqu aluza lo qhive.

AHOLE 22:17

O kini kughope alokütsümi tsa inilo eno I kighithi tsa lo o mlo tsüqhiyi shilo,

AHOLE 24:32

I no ti ithulupe kümsüju kelaye tileno akükütsütsa lakhi ithulue.

AHOLE 28:14

Alhokuthu Ampeu sümsa chekemi ye akümghapue, ikemu amlo kümkami ye küsakusho lo ikiqive nani.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

JEREMIYA 36:24

Ikeghi akükau na paw kijemi atsa chilu kemi namu khunomu msamoe, momu pano phimini süxümoe.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

HABAKUK 1:5

“Shiyeqo gholo juno ithulu lo; akichiqhi eno akümzaqhiyi lo. Kughengu nongu vilo pi namu pülü moni keu kümla lakhi I no nongu ghuloki lo shinani.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.

SAMUEL ATUGHIU 4:20

Eno li no thiveni ye shiuve kelono totimi li jupunu akeu no li vilo pi, “Msa kevilo, kughengu no ye anu kiptimi punuvae.” Ikemu li ye kiumu khochile move.