IPEKULU 7:16 - Sumi Naga CL (Re-edited) Bible (BSI)

¹⁶ Eno nono pa vilo pini, ‘Ampeu, Hebrewmi Lhou no o lau I puwu no piani, “Iw timiqo puwulo, tishianguno panongu pelo yenguyike-a lono I mlla pelo.” Ikemu itehi kutolo, no ye I gholu mphie.

BAIBEL (BSI)

¹⁶ Tishino akukau vilo ishi pilo ‘Ibrimi Lhou AMPEU no ovilo pawu timiqo puwuve lopi pipeniye ipuwue, tishi anguno panonguno asayeqha lono pa mllalu penike. Ikemu itehi kutolo nono ini tsumoe.’

IPEKULU 7:16 Iomraidhean Croise

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 13:15

Kughengu kughou Pharaoh no kuthovive no ningu puwumo keno, Ampeu no Egypt yeghi lo anoghimi kümtsü heqhive tsü, lhoxü piti tüghüu ghi heqhive tsü. Tighenguno I no lhoxü piti tüghüu kümtsü Ampeu lau aghashive cheni, ikemu I nu anoghimi ye kümtsü I no qhüchile luve chenie.’

IPEKULU 14:5

Kughou Egypt kükau vilo timiqo ye povae pi keno, pa ngo pa qemi mlo ye kilive, eno panongu no pi, “Ningu ye Israelmi pelo ni qe achekeu lono wuvepe keu hi ye kiu shive akea?”

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 3:13

Tile Moses no Alhou vilo pi, “Tsala I no Israelmi lau ighi no panoqo vilo, ‘Nongu papu Lhou no nongu lau I puwu ani,’ ipi aye, eno panongu no I vilo, ‘Pa je ye khuu kea?’ ipi ighiju aye, ni ye panoqo vilo kiu pini kea?”

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 4:22

Tithiu nono Pharaoh vilo pilo, ‘Ampeu no ishi piani, Israel ye I nu anoghiu ke,

IPEKULU 4:23

eno I no o vilo pi ani, “I nu puwuvelo tishianguno pa pelo I qe penie.” Tsala nono pa puwumo aye, julo, I no o nu anoghiu pithive tsüni.’”

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

IPEKULU 8:1

Tithiu Ampeu no Moses vilo pi, “Pharaoh lau ilolo eno pa vilo pilo, ‘Ampeu no piani, “Iw timiqo puwuvelo, tishianguno panoqo pelo I mlla penie.

IPEKULU 8:20

Tithiu Ampeu no Moses vilo pi, “Inaqhe itheno ithu Pharaoh no azü luniye wuche kelono pa zülo puthugho lo, eno pa vilo pilo, ‘Ampeu no ishi piani, “Iw timiqo puwuvelo, tishianguno panongu pelo I mllalu pelo.

IPEKULU 9:1

Tithiu Ampeu no Moses vilo pi, “Pharaoh lau ilo no pa vilo pilo, ‘Ampeu no ishi piani, “Iw timiqo puwuvelo, tishianguno panoqo pelo I mllalu pelo.

IPEKULU 9:13

Tithiu Ampeu no Moses vilo pi, “Inaqhe itheno ithu Pharaoh zülo wulo eno pa vilo pilo, ‘Ampeu, Hebrewmi Lhou no ishi piani, “Iw timiqo puwuvelo, tishianguno panoqo pelo I qelu pelo.

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

JEREMIYA 50:33

“Aqokitikhi MPEU no ishi piani: Israel ngo Judah timi ye qodaqhi ani. Pano küghape wu kemi no pano khekuto pe phepuwo chemoe.