IPEKULU 5:3 - Sumi Naga CL (Re-edited) Bible (BSI)

³ Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.”

BAIBEL (BSI)

³ Muse ngo Aron pamano pi, “Ibrimiqo Lhou ampi no nilau pephe piye vae. Ningu pelo atsala kuthu asayeqhalo izuwu no AMPEU lau lhoxu heqhipe akumllagho niLhou tsuwupelo. Ninguno tishimo aye pano kusukini momu aghukishi pesu ningu pithive nanike.”

IPEKULU 5:3 Iomraidhean Croise

KUKAMI AKINIU 17:25

Tile küghüna tüghü lo panongu ye Ampeu msamoe. Tighenguno Ampeu no panongu lau abongshuu puwu no khami tsüqhivepe.

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

EZRA 7:23

Kiu kiumu kungugha Lhou ki ghenguno kungugha Lhou no azah tsükeu ye tishilu pelo, tikumo aye Pa loghu no akükau ngo pa nuliqo yekipeqha shou ikughi nosake.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 7:16

Eno nono pa vilo pini, ‘Ampeu, Hebrewmi Lhou no o lau I puwu no piani, “Iw timiqo puwulo, tishianguno panongu pelo yenguyike-a lono I mlla pelo.” Ikemu itehi kutolo, no ye I gholu mphie.

IPEKULU 8:1

Tithiu Ampeu no Moses vilo pi, “Pharaoh lau ilolo eno pa vilo pilo, ‘Ampeu no piani, “Iw timiqo puwuvelo, tishianguno panoqo pelo I mlla penie.

IPEKULU 8:20

Tithiu Ampeu no Moses vilo pi, “Inaqhe itheno ithu Pharaoh no azü luniye wuche kelono pa zülo puthugho lo, eno pa vilo pilo, ‘Ampeu no ishi piani, “Iw timiqo puwuvelo, tishianguno panongu pelo I mllalu pelo.

IPEKULU 8:27

Ningu ye yenguyike-a lo atsala küthü ghüzüla lo wuno Ampeu ni Lhou no pi ketoi Pa lau aghakishi shimasa nani.”

EZEKEL 6:11

Ampeu no ishi piani: “Nongu u kukhulo, nongu pukhu ti ghi pilo, Aha, Israel laghamiw aphikümqhüpu kixikila ghenguno panongu ye azütakikihi, püqümiye eno püsa lono ikiqive nani.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

ZAKINIU 28:21

Nongu no ilo ngoniye akeu yeghi lono nongu püghave moke kutolo Ampeu no püsa nongu gholo puwutsü nani.