IPEKULU 4:23 - Sumi Naga CL (Re-edited) Bible (BSI)

²³ eno I no o vilo pi ani, “I nu puwuvelo tishianguno pa pelo I qe penie.” Tsala nono pa puwumo aye, julo, I no o nu anoghiu pithive tsüni.’”

BAIBEL (BSI)

²³ Ino ovilo pi anike inu pelo wuvepelo, tishi anguno pano imllalu nanike, ikemu nono mopike. Itehiye ino onu anoghiu heqhivetsu nicheni.’ ”

IPEKULU 4:23 Iomraidhean Croise

LESHELE 105:36

Pa no pano yeghi lo anoghiu eno, pano küka kumto xathi amsüu kümtsü pithive tsü.

LESHELE 135:8

Egypt lo timi eno tüghashi anoghiu pithikeu ye Pa no ke;

LESHELE 136:10

Pa no Egypt lo anoghiuqo pithive tsüe, Kughengu Paw iqemokeu kikimiye ye alholo acheni;

LESHELE 78:51

Ham phiki lo pano kumto xüthi amsüu, Egypt lo anoghiu kümtsü Pa no pithive tsü.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 10:4

Kughengu nono Iw timi puwuni keu milive aye, julo, I no thoghiu tülhaqu o ghakhu lo süghini,

IPEKULU 11:5

eno Egypt yeghi lo anu anoghiu kümtsü thive nani, Pharaoh khuu kükalakhü lo iqa ani keno, pa nu anoghiu lono aqüaxeliu khuu athi shesü cheni keno, li nu anoghiu, eno lhoxü piti tüghüu kutolo thive nani.

IPEKULU 12:29

Zübumta lo Ampeu no Egypt yeghi lo anu anoghiu kümtsü pithive tsü, Pharaoh khuu pa kükalakhü lo iqa akeno pa nu anoghiu lono akughumi khakütha lo akeqo nu anoghiu, eno atsü-aqu piti tüghüu kümtsü pithive tsü.

IPEKULU 13:15

Kughengu kughou Pharaoh no kuthovive no ningu puwumo keno, Ampeu no Egypt yeghi lo anoghimi kümtsü heqhive tsü, lhoxü piti tüghüu ghi heqhive tsü. Tighenguno I no lhoxü piti tüghüu kümtsü Ampeu lau aghashive cheni, ikemu I nu anoghimi ye kümtsü I no qhüchile luve chenie.’

IPEKULU 18:8

Tithiu Ampeu no Israelmi ghenguno Pharaoh eno Egyptmi lau mlakeu, alaghi lo aghime panoqo shou ikughi keu, eno Ampeu no kishi panoqo xaphelu keno ti kümtsü Moses no pa ngu vilo pi.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 5:1

Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’”

IPEKULU 6:11

“Ilo lo, Egypt kükau Pharaoh vilo Israelmi pelo pa yeghi lono ipeve penike pilo.”

IPEKULU 7:16

Eno nono pa vilo pini, ‘Ampeu, Hebrewmi Lhou no o lau I puwu no piani, “Iw timiqo puwulo, tishianguno panongu pelo yenguyike-a lono I mlla pelo.” Ikemu itehi kutolo, no ye I gholu mphie.

IPEKULU 8:1

Tithiu Ampeu no Moses vilo pi, “Pharaoh lau ilolo eno pa vilo pilo, ‘Ampeu no piani, “Iw timiqo puwuvelo, tishianguno panoqo pelo I mlla penie.

IPEKULU 8:16

Tithiu Ampeu no Moses vilo pi, “Aaron vilo pilo, ‘O küsü süqhelo eno ayeghimkhu lo hesülo, tishianguno tino Egypt yeghi kümtsü lo amthu ilhouve peni.’”

IPEKULU 8:17

Pama no titoi shi. Aaron no pa küsü pesü au xachho eno ayeghimkhu lo hesü, ikelo amthu no timi eno tüghashi shou ikughive. Egypt yeghi kümtsü lo ayeghimkhu kümtsü amthu ilhou khave.

IPEKULU 8:20

Tithiu Ampeu no Moses vilo pi, “Inaqhe itheno ithu Pharaoh no azü luniye wuche kelono pa zülo puthugho lo, eno pa vilo pilo, ‘Ampeu no ishi piani, “Iw timiqo puwuvelo, tishianguno panongu pelo I mllalu pelo.

IPEKULU 9:1

Tithiu Ampeu no Moses vilo pi, “Pharaoh lau ilo no pa vilo pilo, ‘Ampeu no ishi piani, “Iw timiqo puwuvelo, tishianguno panoqo pelo I mllalu pelo.

IPEKULU 9:13

Tithiu Ampeu no Moses vilo pi, “Inaqhe itheno ithu Pharaoh zülo wulo eno pa vilo pilo, ‘Ampeu, Hebrewmi Lhou no ishi piani, “Iw timiqo puwuvelo, tishianguno panoqo pelo I qelu pelo.

IPEKULU 9:2

Tsala nono panoqo puwuni keu milive no tsüghape auve aye

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.