IPEKULU 34:9 - Sumi Naga CL (Re-edited) Bible (BSI)

⁹ Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

BAIBEL (BSI)

⁹ Pano pi “AMPEU, kuchouno nono ilau amlo qi ani pi aye nisasu wutsulo pi ino oqhuiniju ani. Timi hipaqoye kuthovilo kemiqoke ni lhoksa eno ni xine peivetsulo eno owu timiqo kepi ningu ikhiluve tsulo.”

IPEKULU 34:9 Iomraidhean Croise

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

LESHELE 78:62

Pa no Paw timiqo pesü azütakikihi lo phesüve tsü eno Pa loghu Paw timi shou puwu.

LESHELE 94:14

Kughengu Ampeu ye Paw timi phevemo nani Pa ye Pa mheghi qhivemo nani;

IPEKULU 19:5

Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

IPEKULU 32:9

Eno Ampeu no Moses vilo pi, “I no timi hipaqo ithuluvae, julo, panongu ye kuthovi kemie.

IPEKULU 33:12

Moses no Ampeu vilo pi, “Julo, Nono I vilo, ‘Timi hipaqo saghilo’ ipi, ikemu No ye khuu I gholo puwuni keno I pelo ithipe mphie. Ikeghi Nono, ‘I no akivishi no ithi ani, eno no ye I mlo kuchuu ke’ ipi.

IPEKULU 34:7

tiqheli qhethonhe kutolo iqemokeu kikimiye püacheni, eno hekibide, alughi vecheve keu, axine shive keu kipimi qhivetsü cheni, ikemu kiu gholau nomu küqüve keu palokutove mono tiqheli aküthüu ngo abidiu kutolo apunoqo hekibide ghenguno atianuli tianuli xuju ighi nani.”

ISAIAH 48:4

Kughengu nongu ye kishi kuthovi keno I no ithi ani, nongu kuo ye ayikichhe toi nongu kishe no alazayi toike,

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

ZEKHARIA 2:12

Ampeu no akimthe yeghi lo Pa saje shi Judah ighi luve nani, eno itaghi Jerusalem kisheluve nani.”

AKIKIHI 14:19

Nono Egypt lono hi kutolo timi hipaqo kipimi qhivetsü ketoi kimiyeno Ow iqemokeu kikimiye kije lono timi hipaqo kutokumo peve tsülo.”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 9:18

Tishino itaghi I no Ampeu zülo putho pucho atsala lhobidi itsaqi. Nongu no Ampeu zülo axine shikeu lono Pa mlo shikighide ke ghenguno ni ye kiumu chusho move.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’