IPEKULU 34:25 - Sumi Naga CL (Re-edited) Bible (BSI)

²⁵ “Nongu ye I lau aghakishi shikeu ji gholo kiu kiumu kholaqhi sükeu pesü mlla moni, momu Hechekulu Ghulhu ghakishi pesü thanau inaqhe kutolo qhimoni.

BAIBEL (BSI)

²⁵ “Nonguno lhoxu pesu ilau aghashikeulo kholaqhi sukeu sho pesu mllakevilo. Hechekulu pinye shi akelo lhoxu heqhi kevilo.

IPEKULU 34:25 Iomraidhean Croise

IPEKULU 12:10

Eno inaqhe kutolo tipau leqhi lakhimu qhimoni; inaqhe kutolo ala aghive keu ye nongu no pitiveni.

IPEKULU 12:20

Nongu ye kholaqhi sükeu kiumu chumoni; nongu kungo-a kümtsü lo nongu ye kholaqhi sümokeu sho chuni.”

IPEKULU 12:8

Panongu ye tipaji no ami lono ashi ghuve no kholaqhi sümokeu sho ngo khumtsai keu tsüni gholono chuni.

IPEKULU 23:18

“No ye Iw aghakishi ji gholo kiukiumu kholaqhi süve keu pesü mlla moni, momu I ghulhu lo atha ye inaqhe kutolo qhimoni.

IPEKULU 29:34

Eno tsala thoghiu kutolo ikhiphekütsü shi momu asho achili aghi aye, ami lono pitiveni. Ti ye chumoni kughengu ti ye akimthe ke.

ACHINE 2:11

“Ampeu lau akümllagho jeli süghi keu lakhi lomu kholaqhi sümoni, kughengu kiukiu ghakishi lomu kholaqhi momu akhingozü ye akümllagho shi pitipe Ampeu tsümlae.

ACHINE 7:15

Paw shikimthikütsü ghenguno külakishi kümllagho tsükeu shi ye pa no akümllagho tsükeu tsala lono chukhaveni thono kitila mu thanau kutolo qhimoni.

AKIKIHI 9:12

Kiukiu chuqupu mu thanau kutolo qhimoni, eno lhoxü saghi lakhimu kubove moni; panongu no Hechekulu khuaye kümtsü pape ghi ti pinini.

MATTHEW 13:33

Itaghi Jisü no kimghikipiye kütau panoqo vilo pi, “Kungugha yekipe ye kholaqhi toike. Totimi lakhi no ti au kichhi lakhi pewo ashomkhu ashoghi kichhi lakhi gholo xukütshü kelo ti kümtsü ingu ipeghive chekeu toike.”

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 16:4

Atsala tsüni ghenguno no ghakhu lo, kholaqhi sükeu sho qhimoni, momu atüghüni tsala avelau nongu no aghashi keu lhoxü shi ye thanau kutolo qhimoni.