IPEKULU 34:16 - Sumi Naga CL (Re-edited) Bible (BSI)

¹⁶ nongu no pano ngaqo pesü nongu nuli nipu shi lutsü, eno anga tipaqo no pano lhouqo sasü kütüqha no nongu nuli pesü itaghi tipaphi shiuvepe nosae.

BAIBEL (BSI)

¹⁶ Nongu nuliqono inaghami totimi hupaqo sasu kulakupu shive nani eno tipaqono panoqo pelo ilau pukhu bemovepe nani eno kichile lhouqo mullawuve penanike.

IPEKULU 34:16 Iomraidhean Croise

BOTHUBO 24:3

tishianguno I no o pelo Ampeu, atsütsü Lhou eno ayeghi Lhou vecheo tushoqhi peni, ti ye Canaanmi khuno dolo I no xüani keno panongu ngaqo pesü no ye I nu nipu lutsü moni,

KUKAMI ATUGHIU 11:1

Solomon no inalimi kutomo kimiyeche. Pharaoh nga gholono pa no Moabmi, Ammonmi, Edommi, Sidonmi eno Hittimi totimi lue,

KUKAMI ATUGHIU 21:25

(Khunomu Ahab toi anipu no kipe no Ampeu zülo alhoksa shinike pa ampi jesüve keu kühae.

YEKIKITHI AKINIU 21:11

Tinguno alau, pa no Judah lo ato yeghi lo qhemghaike-a mla eno Jerusalem lo xüküami sasü axine lo ilove no Judah pelo tsüghüve peke.

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

EZRA 9:2

Kughengu panongu no tipaqo nga khami pesü anipu shiniye eno panopu nipu shitsü niye luvae, tishikeu lono akimthe shiaye ye aghakhu lo ashiayeqo sasü kitekungovae. Eno pükhükümla hipau lo hiyampemi ngo sakiphemiu no atou shi anie.”

NEHEMIA 10:30

Ningu ye ni yeghi lo ashiayeqo lau ningaqo küla puwumo momu panow ilimi pesü ni nuli nipu shipemoe.

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 13:23

Tipa ghuloki lo Judahmi kutomo no Ashdod, Ammon, eno Moab limiqo sasü külave keu ghi I no ithulu.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

LESHELE 106:39

Ikehu panongu ye pano kümlaqo vecheo mithe move, eno pano kümlaqo sasü kütüqhauve ke.

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

ACHINE 21:15

tishikeu lono pa tianuli shikitiqe monani, kughengu Ni ye pa shikimthe chekeu Ampeu ke.”

JOSHUA 23:12

Tsala nongu no idewove no hi ghüluve kemi shiye nongu dolo küghüna akeqo sasü kütshükungo luve, pano sasü külakupu shikileve, eno tishikeu lono nongu ngo panongu kitekungo xüuve aye,

JOSHUA 23:13

mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

XAKUTHAMI 14:3

Ikemu papu ngo paza pama no pi, “Ni limi dolo momu ni shiaye dolo totimi kühave akesheno kushiye no ye aphighüyiko ghamo kemi Philistiami lau o nipu phuwu ani kea?” Ikemu Samson no papu vilo pi, “Li ye I ghenguno achipi shi anike li lu saghi tsülo.”

XAKUTHAMI 3:5

Ikehu Israelmi ye Canaanmi, Hittimi, Amorimi, Perizimi, Hivimi, eno Jebusimi gholo kitekungo küghünauve.

XAKUTHAMI 3:6

Panongu no pütüta ngaqo sasü külauve, panongu ngaqo pelo pano puqo sasü külape, eno tipaqo lhouqo mllauve.

XAKUTHAMI 8:27

Gideon no tipaqo pesü Ephod mla, eno pesü pa no xüsüve keu phughi, Ophrah lo qhive. Ikelo Israelmi kümtsü no ti mllauve eno tino Gideon ngo pa kibolomi ghi meluve.