IPEKULU 32:8 - Sumi Naga CL (Re-edited) Bible (BSI)

⁸ Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

BAIBEL (BSI)

⁸ Panongu vilo ino pape lopi ahza tsukeu laghi qhivae; panonguye shunayizuno amshitsu lakhi shiluve no tipau mlla ghi agha kishi kumllagho tsu auvae. Panonguno pi keuno tipauno panoqo lhou, Ijip lono panoqo saipeghikeu kepi anie.

IPEKULU 32:8 Iomraidhean Croise

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

NEHEMIA 9:18

Panongu no ameshoyi no amshiti julho mlano pi, ‘Hi no Egypt lono nongu sasü ipeghi keu lhou ke,’ eno küthakügha kije shi keghi,

LESHELE 106:19

Panongu no Horeb lo amshitsü julho mla eno ayi julho mllae.

LESHELE 78:36

Ikemu pano tsapi ye akimki likhi; panongu no pikeu lakhimu kuchou shimoe.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

IPEKULU 32:4

Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

IPEKULU 34:15

nongu no tishimo aye ayeghi tipau lo küghüna akeqo sasü puloshoqhi shive nosa, eno kughou panongu no pano lhou sasü kütüqha, eno pano lhouqo lau aghashi no nongu kusüni keno, nongu ye pano ghakishi lo chuve nosa,

ISAIAH 46:6

Khunono panow pisabo lono ameshoyi ikhiphe cheni, eno ahu lono ghükayi mighi cheni keno panoqo no ameshoyi kiyiqimi ajume tsüno alhou mlaphepe cheni; panongu no itsaqi ti mlla cheni!

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

ZAKINIU 32:17

Panongu no mthakeu lhou, alhou kumono tüghami lau aghashie, pano puasü no khilemu msamo keu lhou, alhou kithe ipeghi keqo mllae.

ZAKINIU 9:12

Tile Ampeu no I vilo pi, ‘Ithu no mtazü iqilo, kughengu ow timi, nono Egypt lono saipeghi keqo ye küsakügha kümla shivae. Panongu ye I no azah tsükeu lono tsüghüve no pano sala ayi julho mla luvae.’

ZAKINIU 9:16

I no jukelo, nongu ye Ampeu nongu Lhou zülo axine shive aghi. Nongu no ameshoyi mishiti mla püaghive, eno paikhavi Ampeu no azah tsükeu lono tsüghüve aghie.

JOSHUA 22:15

Panongu no Gilead yeghi lo Reubenmi, Gadmi eno Manasseh shiaye tüxa lau ighi no pi,

XAKUTHAMI 2:17

Ikeghi panongu no xaküthami tsa initsü moe kughengu panongu no alhou kütauqo sasü kütüqha eno tipaqo mlla ke. Pano puasüqo no Ampeu zakütsü gholu ghi cheche keu laghi lo panongu ye püla move.

XAKUTHAMI 8:24

Pa no pi, “I no nongu vilo hi qhüiniju ani: nongu kümtsü aghüshi lono hakholu keu akinikighi pesü I tsüve lo.” (Midianmi ye Ishmael laghami kehu ameshoyi kinikighi acheke.)