IPEKULU 32:7 - Sumi Naga CL (Re-edited) Bible (BSI)

⁷ Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

BAIBEL (BSI)

⁷ AMPEU no Muse vilo pi, “Pai ideiqivelo, kughengu owu timi nono Ijip lono saipeghi kemiqono axine shiauvae eno iphevae.

IPEKULU 32:7 Iomraidhean Croise

YEKIKITHI AKINIU 27:2

Pa ye Ampeu zülo kiu no achipi keno shike, eno Ampeu chineki alou ilomo kethono papu Uzziah no shikeu kiqi lono thokha shie. Ikemu timiqo no shiküpsa khuaye pape wuve.

LESHELE 78:36

Ikemu pano tsapi ye akimki likhi; panongu no pikeu lakhimu kuchou shimoe.

IPEKULU 19:24

Eno Ampeu no pa vilo pi, “Iqilo, eno o gholo Aaron saiqhoghi lo. Ikemu achinemi ngo timiqo pelo shoxüsü Ampeu lau iqhoghipe kevilo, tikumo aye, Pa no panoqo shou aghime pephe nosake.”

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

IPEKULU 32:4

Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 4:16

tikumo aye nongu ye no sala kiukiu julho koghe, kiptimi na totimi namu, mlakeu lono nongu shikitiqelu nosae,

ZAKINIU 9:12

Tile Ampeu no I vilo pi, ‘Ithu no mtazü iqilo, kughengu ow timi, nono Egypt lono saipeghi keqo ye küsakügha kümla shivae. Panongu ye I no azah tsükeu lono tsüghüve no pano sala ayi julho mla luvae.’

ZAKINIU 9:8

Horeb lo ghi nongu no Ampeu loghu xukutho, eno Pa ye ighono amloideve kehu nongu kütsani ye shive.

XAKUTHAMI 2:19

Ikemu kugho kughomu xaküthau no thive kemtsa timiqo ye itaghi idechile aqau küxü lo ilove no pano puasüqo nguno alau alhoksa shikitheve che, eno alhou kütau mlla eno huthuuve cheke. Panongu ye pano lhoksa kümla ngo kuthovi keu lhoaye phevemoe.