IPEKULU 32:4 - Sumi Naga CL (Re-edited) Bible (BSI)

⁴ Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

BAIBEL (BSI)

⁴ Pano tipaqo ikhi pesu kumlaveno shunayizu pesu abohulo lesu no shunayi mishitsu lakhi shitsu. Timiqono pi, “O Israil, hipauye ningu lhou, Ijip lono ningu saipeghi keuke.”

IPEKULU 32:4 Iomraidhean Croise

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

KUKAMI ATUGHIU 12:32

Judah lo shiche ketoi Jeroboam no aqhi akütacheu, atsala chighiapunguu lo aghulhu pini kepu tsala kughu no akümlla-khache lono aghakishi mlla. Titoi pa no Bethel lo amshiti julho lau aghashi, eno tilau atoghiqo lo akümlla-a lo achinemi süsüe.

KUKAMI AKINIU 10:20

Jehu no azah tsü, “Baal ghenguno akimthe hoho kusü lo.” Ikehu panongu no sheshu.

KUKAMI AKINIU 10:29

Ikemu Jehu ye Nebat nu Jeroboam no Israel pelo axine shipe keu xine lono tsüghüve moke—ti ye Bethel ngo Dan lo ameshoyi mishitsü julho.

YEKIKITHI AKINIU 11:15

Jeroboam no qhemghaike-a lo ane ngo amshiti mla keqo ghenguno pa chinemi süsüve.

YEKIKITHI AKINIU 13:8

“Itehi nongu ye Ampeu no David laghami tsüve keu kükaqha sasü kumjoni ke kümsü no aqokitikhi kije cheni, eno nongu lhou shi penike Jeroboam no mlatsü keu ameshoyi mishitsüqo sasü cheni.

NEHEMIA 9:18

Panongu no ameshoyi no amshiti julho mlano pi, ‘Hi no Egypt lono nongu sasü ipeghi keu lhou ke,’ eno küthakügha kije shi keghi,

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 28:11

Achi kümlami no jedapu nguthi lo kixi puku ketoi, atu tiküma lo Israel nuliqo je kixi pukulo. Atu tiküma ye ameshoyi bocho lo sülo.

IPEKULU 28:9

Onyx tu kini pesü tipau lo Israel nuliqo je yepuku lo,

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 32:24

Ikehu I no panoqo vilo pi, ‘Khukhumu ameshoyi aghikeu ye xaqhilo.’ Ikehu panongu no xape I tsü, eno I no ami lo vesü kelo amshiti hipau ipeghive.”

IPEKULU 32:3

Ikehu kümtsü no panongu kini lo ameshoyi nguthi akeqo pesü Aaron lau ighi.

IPEKULU 32:35

Tishino Ampeu no timiqo shou püsa puwu, kughengu panongu no amshiti mla ke, ti ye Aaron no mlakeu.

IPEKULU 32:5

Kughou Aaron no ti ithulu keno pa no tipau zülo akümlla-khache mlave. Eno pa no asheshu no pi, “Thoghiu ye Ampeu lau aghulhu lakhi shinie.”

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

ISAIAH 46:6

Khunono panow pisabo lono ameshoyi ikhiphe cheni, eno ahu lono ghükayi mighi cheni keno panoqo no ameshoyi kiyiqimi ajume tsüno alhou mlaphepe cheni; panongu no itsaqi ti mlla cheni!

EZEKEL 23:8

Li ye asalha khikhi li no Egypt lono huthu keno ti phevemoe; kughengu li lhothe lono apulhothemi no li shou iku eno li thathe kichhi pemgha no panoqow kütüqha keu pesü li shou lepuku ke.

HOSIYA 10:5

Beth-aven mishitsü julho ghenguno Samaria lo küxümi ye khokhoshi ani. Tilehi timi eno achinemi ghi tighenguno mloqa ani, panoqo no tipau jekipipu shou alovi acheke tipau ye panoqo launo wuvae.

HOSIYA 13:2

Eno itehi ye panoqo no alau eno alau axine shino pano sala ayi julho mla ani, panow ghükayi no kütshakügha shi ajulho mla ani, ti kümtsü kütshakügha kümla kishimi noke. Panoqo ghili ishi picheni, “Timi heqhipe mlla chekemi no amshitsü mümae!”

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Apostolmi 7:41

Panongu no amshiti mlano ti ajulho lau akümllagho tsü, eno pano u lo kümla jupe alokivi shie.

1 Kor. 10:7

Panongu khami toi nongu ye ajulho kümllami shikevilo; ishi yepüake toi, “Timiqo no chushoni ye iqa eno ilhe niye ithue.”

ZAKINIU 9:16

I no jukelo, nongu ye Ampeu nongu Lhou zülo axine shive aghi. Nongu no ameshoyi mishiti mla püaghive, eno paikhavi Ampeu no azah tsükeu lono tsüghüve aghie.

XAKUTHAMI 8:24

Pa no pi, “I no nongu vilo hi qhüiniju ani: nongu kümtsü aghüshi lono hakholu keu akinikighi pesü I tsüve lo.” (Midianmi ye Ishmael laghami kehu ameshoyi kinikighi acheke.)

XAKUTHAMI 8:27

Gideon no tipaqo pesü Ephod mla, eno pesü pa no xüsüve keu phughi, Ophrah lo qhive. Ikelo Israelmi kümtsü no ti mllauve eno tino Gideon ngo pa kibolomi ghi meluve.