IPEKULU 32:34 - Sumi Naga CL (Re-edited) Bible (BSI)

³⁴ Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

BAIBEL (BSI)

³⁴ Itehiye wulo, ino ovilo pipuakeu alo timiqo sawulo.Iwu kungumino osawu peni kepi kumsululo ikemu timi hipaqono axine shivekeu ghenguno ino panoqo ghimeqhini keu do ghuloki cheni.”

IPEKULU 32:34 Iomraidhean Croise

LESHELE 99:8

O Ampeu ni Lhou, Nono panoqo khochile ke; No ye panoqo lau axine qhikütsü Lhou ke, ikemu panoqo no akumou mlakeu shou amkhükuluu ke.

IPEKULU 15:17

O Ampeu, a-a khikhi Nono O kungo-a shipüani keno, akimthe-a khikhi O u no shiqhe keno, O Ampeu, Nono tile panoqo sailo Ow naghuto lo shosü nani.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 23:20

“Julo, ala lo nongu khekuto sasü I no kuto püakeu-a lo ighi peniye I no kungumi nongu züu puwu ani.

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 33:12

Moses no Ampeu vilo pi, “Julo, Nono I vilo, ‘Timi hipaqo saghilo’ ipi, ikemu No ye khuu I gholo puwuni keno I pelo ithipe mphie. Ikeghi Nono, ‘I no akivishi no ithi ani, eno no ye I mlo kuchuu ke’ ipi.

IPEKULU 33:2

I no kungumi o züu puwuni, eno Canaanmi, Amorimi, Hittimi, Perizimi, Hivimi, ngo Jebusimi hapheveni.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

AMUS 3:14

“Tipani I no Israel xine ghenguno pa ghime nani, Bethel lo akiptia ghime nani, eno akiptia lo akibo akeqo ye ikhipe ayeghi lo veqhive nani.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

AKIKIHI 20:16

Tileno ningu no Ampeu lau ighamku eno Pa no ningu küqa chilutsü püzü kungumi puwu no Egypt lono ningu saipeghi. Eno itehi ningu ye o ghakhu lughi Kadesh lo ani.

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’