IPEKULU 32:32 - Sumi Naga CL (Re-edited) Bible (BSI)

³² Ikemu itehi, Nono panoqo xine qhitsü aye ta—ikemu tishimo aye, kimiyeno Ow kaku khipau lo Nono yepüani keno tileno I je nuxave tsülo.”

BAIBEL (BSI)

³² Qeti panoqo xine peivetsulo; ikemu nono tishimo aye owu timi qo je yepuku chekeu kaku lono ije ikhivetsulo.”

IPEKULU 32:32 Iomraidhean Croise

SAMUEL AKINIU 18:33

Akükau ye ighono amlosave no khagho kunguu achebo lo iku qa ae. Pa no kunguu iku chekelo pi, “O I nu Absalom, I nu, I nu Absalom! O züqhushi I no thiveni keghi lae, O Absalom, I nu, I nu!”

LESHELE 139:16

Apo lo azü ghoaphi lono O nhethi no ni ithulue; I ghenguno atsala khije kuto püatsü ani keno I tsala huthu mphi lono ti kümtsü Nono azünatha ghi Ow kaku lo yekütsüpe qhivae.

LESHELE 56:8

I tukuchoqhi keu ye Nono kihipe ani; I nhezü kipiji ye O külabo lo süpüani. Tipaqo ye Ow kaku lo anike kumo?

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

IPEKULU 32:10

Tighenguno itehi I lakha kevilo, I loghu no shukuthui panoqo pitini cheni, tishikeu lono I no o pesü shiye kije shitsüni.”

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

AMUS 7:2

Kughou tipaqo no ayeghi lo atsüni chukhave tsü keno, I no pi, “O Ampeu Alhou, kimiyeno akipimi qhitsülo! Jacob ye ighono aghuloke kishi puthugho luni kea?”

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

AKIKIHI 11:15

Nono hitoi I peitha kepushi aye, itehi no I pithivelo, ikemu I no O mlokiqipu shilu aye, I pelo I lhoksa ithulupe kevilo.”

AKIKIHI 11:25

Tithiu Ampeu no khüngküsü lono iqighi no Moses pütsa, eno pa tsüpüakeu nguagha hami pesü layemi lhotsüni shou betsü. Tino panongu shou ikughi kemtsa panongu no tungkupu tsa piuve. Ikemu panongu no ti pekibe move.

AKIKIHI 14:19

Nono Egypt lono hi kutolo timi hipaqo kipimi qhivetsü ketoi kimiyeno Ow iqemokeu kikimiye kije lono timi hipaqo kutokumo peve tsülo.”

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Luke 23:34

Jisü no pi, “Apu, panongu ye kiu shi ani keno ithiamo ke akipimi qhive tsülo.” Panongu no pa phimini kije luveni ye asaqhi.

Rommi 9:3

Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

ZAKINIU 25:19

Tighenguno, kughou Ampeu Alhou no nongu mheghi shitsü akeu yeghi lo nongu no ngoluve eno no sükümxa lo akemi launo akulho qhiluni keno, nongu ye ayeghi lono Amalekmi shipühaveni; hi kümsüma kevilo.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 9:14

I lakha kevilo, Ni ye panongu kütsave no atsütsü qholono panongu je pühave tsüniae. Tithiu no I no o pesü panongu nguno shiye kuloghi eno akumtou shitsüni.’

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.