IPEKULU 32:15 - Sumi Naga CL (Re-edited) Bible (BSI)

¹⁵ Tithiu Moses no tsüghüsü pa u lo ashepe tulupha kini pesü naghuto lono iqive, atulupha tiküma ye azüu eno athiu ghi putoputo yesü püae.

BAIBEL (BSI)

¹⁵ Muse no atu pha kini putoputolo ahza yepua keu xapusu naghuto lono ideiqive.

IPEKULU 32:15 Iomraidhean Croise

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

IPEKULU 16:34

Ampeu no Moses azah tsü ketoi, Aaron no tipau pesü Ampeu zülo thopi lakhi shi peniye qhive.

IPEKULU 24:12

Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 32:16

Atulupha tiküma ye Ampeu kümla ke, eno ti ye Ampeu no yekeu, tiküma lo kixi puku keu ke.

IPEKULU 34:29

Kughou Moses no Sinai Naghuto lono ashepe tulupha kini pa u lono pesü iqighi keno, pa ye Alhou sasü küptsa ake ghenguno pa gi yiko vüqai akeu ithimoe.

IPEKULU 40:20

Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

2 Kor. 3:7

Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.

ZAKINIU 9:15

Ikehu I no naghuto lono iqighi kelo naghuto lono ami iqü aghi. Atupha küma I u lo peche.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.