IPEKULU 32:13 - Sumi Naga CL (Re-edited) Bible (BSI)

¹³ Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

BAIBEL (BSI)

¹³ Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

IPEKULU 32:13 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 15:7

Ampeu no pa vilo pi, “Ni ye Ampeu, Chaldea ghakhu Ur lono ayeghi hipau o tsüno ti ighilu peniye o saighi keu ke.”

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 24:7

Ampeu, atsütsü Lhou, khuu no I limi eno I sholokumi yeghi lono I saipeghi, eno ‘O tikughukomi lau I no ayeghi hipau tsüni,’ ipi I pütsa eno I lau ashoqhi shi keno, Pa no Paw kungumi o züu puwu tsü nani, eno no ye I nu ghenguno tilauno anipu lusaghi nanie.

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

IPEKULU 13:11

“Kughou Ampeu no o lau eno o puasüqo lau tushoqhi ketoi Canaanmi yeghi lo o saighi no ayeghi o tsüni keno,

IPEKULU 13:5

Ampeu no nongu sasü Canaanmi, Hittimi, Amorimi, Hivimi, eno Jebusimi yeghi, akichhizü ngo akhingozü no qowu akeu yeghi, khikhi Pa no nongu puasüqo tsünie pi tushoqhi püa keno, tile ighive kethiu, nongu ye hipa qhi lono tiqhetini hipau ikhiluni.

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

ACHINE 26:42

I no Jacob, Isaac, eno Abraham sasü Iw puloshoqhi shikeu kümsülu nani, eno aghakhu kümsülu nani.

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 9:27

O qemi Abraham, Isaac, eno Jacob kümsülu lo eno timi hipaqo mlo kutho, kixikila, eno pano xine kihitsü kevilo.

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,