IPEKULU 30:7 - Sumi Naga CL (Re-edited) Bible (BSI)

⁷ Eno tipau shou Aaron pelo axokütsüngü piti mlla pelo. Inaqhe atsütsü kughou pa no akulu küqüni keno axokütsüngü pitilo,

BAIBEL (BSI)

⁷ Inaqhe atsutsu Aron no akulu kuquniye ighi keulo paye tipaulo tsungqui keu xokutsungu piti masa.

IPEKULU 30:7 Iomraidhean Croise

YEKIKITHI ATUGHIU 23:13

Amram nu Aaron ngo Moses pama. Aaron ye shishe akimthe kümlapu lo peithani ke kishekimtheve, tishikeu lono pa ngo pa laghami no alhokupuju Ampeu zülo akümllagho süghi no Pa huthu eno Pa je lono kükümgha betsü peniye ke.

YEKIKITHI ATUGHIU 6:34

Elkanah nu, Jeroham nu, Eliel nu, Toah nu,

YEKIKITHI AKINIU 2:3

Pa no Tyre kükau Hiram lau asütsa pi puwu: “Nono I pu David sasü kilhisho no pa no ngokepu ki shiqhelu penike cedar pa tsüpuwu ketoi I lau ghi tishi tsülo.

YEKIKITHI AKINIU 2:4

Julo, ni ye Ampeu I Lhou je ghenguno aki shiqhe nike kuto ani, eno tileno axokütsüngü piti, tsalakipe akümlla sho qhitsü, eno Israelmi ghenguno alholo ina kijili, Sabbath lo, aqhi kithe lo, eno Ampeu ni Lhou tiqhetini lo, akipti kümllagho tsünike aki tipau ikhiphe tsüniye ani.

YEKIKITHI AKINIU 26:18

eno panongu no akükau Uzziah lachile no pa vilo pi, “Uzziah, tsüngqüi keu kipti pesü Ampeu tsüni keu ye o kümla kumoe, ti ye achinemi Aaron nuli pelo shipenike süsü püani. Akimthe-a lono ipeve lo, kughengu no ye akumou shivae eno hi shikeu lono Ampeu Alhou launo kiumu agigihupu ithumla nani.”

YEKIKITHI AKINIU 29:7

Panongu no achineki hukikha ghi khave, akulu pinheve eno axokütsüngü piti move, momu akipti kümllagho pesü Israel Lhou lau Akimthe-a lono mlla move.

LESHELE 141:2

I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

IPEKULU 30:34

Ampeu no Moses vilo pi, “Tsüngqüikeu xo, stacte, onycha, ngo galbanum, gholo müsüghüta kivi (lakhikhi aqhemi shi lulo),

IPEKULU 30:6

Eno tipau pesü nhaqhiphi puloshoqhi bohu zülo akeu, akünha phivilo qhilo, tileno I no o sasü kushoni.

IPEKULU 30:8

kughou pa no avelau akulu küqüni keno ti pitilo, ti ye tiqheli kümtsü lo Ampeu zülo alhokuthu axokütsüngü kümllagho ake.

IPEKULU 40:27

eno Ampeu no Moses azah tsüke toi axokütsüngü ta tipau lono piti.

ACHINE 6:5

eno pa no akimki shoqhi shipüa keu kipimi kümsü luke tsalani no thime tipau ye khuuw keno atho tsüchileveni, eno tipau gholo pa no pungu lo saje lakhi qhemi süküqha no tsüni.

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

AKIKIHI 7:56

ameshoyi khu gram 110 lo akiptita chhitoi;

Luke 1:9

achine kümlapu lo khuaye kiqi lono Ampeu chineki alou ilo axokütsüngü piti wunike asaqhi kelo pa shou ikughi.

Apostolmi 6:4

Eno ningu ye akighini eno atsa shekushu kümla lo ado tsüveni.”

ZAKINIU 33:10

Panongu no Ow pimheye pesü Jacob shika nani eno O Yezah pesü Israelmi shika nani; panongu no axokütsüngü O zülo qhi nani eno O kümlla khache lo kuchopu kipti kümllagho qhi nani.

SAMUEL ATUGHIU 2:28

Israelmi shiaye kümtsü dolono I no pa kishe no I chinemi shipe, I kümlla khache lo ighipe, axokütsüngü piti mllape, I zülo achinemi phimini pepupe; eno Israelmi no akipti kümllagho süghi keqo kümtsü I no no kibolomi tsüe.

SAMUEL ATUGHIU 3:3

Alhou kulu ye pinhemo no ae eno Samuel no Ampeu chineki, khile Puloshoqhi bohu qhipüa keno tile ihozü ae.