IPEKULU 30:1 - Sumi Naga CL (Re-edited) Bible (BSI)

¹ “Tsüngqüikeu ta kiptia mlalo; ti ye acacia sü pesü mlalo.

BAIBEL (BSI)

¹ “Pitikumna kepushi akasia su pesu akiptia lakhi mlalo.

IPEKULU 30:1 Iomraidhean Croise

KUKAMI ATUGHIU 6:20

Akimthe-a alou ye aunhekipshe 30, akijelau aunhekipshe 30, eno akiqhelau aunhekipshe 30 shino kümtsü ameshoyi no küzüe. Pa no cedar sü kiptia ghi ameshoyi no küzüve.

KUKAMI ATUGHIU 6:22

Pa no achineki alou kuchopu ameshoyi no küzü, eno Shishe Akimthe-a kiptia ghi ameshoyi no küzüpe qhie.

KUKAMI ATUGHIU 7:48

Solomon no Ampeu kilo abohu kümtsü mla: ameshoyi kiptia, Ampeu zülo asho kibepu,

YEKIKITHI ATUGHIU 28:18

thakütsüghüve keu meshoyi pesü axokütsüngü kiptia mla kepu; eno cherubim no ameshoyi khurkulu lo pa chishibo sükhope Ampeuw Puloshoqhi Bohu khonhape akeu mla kepu kughupe Solomon tsüe.

YEKIKITHI ATUGHIU 6:49

Ikemu Shishe Akimthe-a lo kümlapu ghenguu ye Aaron eno pa laghami no akümlla kipti eno axokütsüngü kiptia lono akümllagho tsüche, eno Israelmi ghenguno ghapheu lhoxü pesü Alhou lau wuche, hi ye Alhou qeu Moses no azah tsükeu kiqi lono shiche.

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

IPEKULU 30:10

Aaron no ampe lo ghuthu lakhi akiboqo shikimtheni. Tiqheli kupuju lo axine shikimthe keu kümllagho ji pesü pa no ampe lo ghuthu lakhi tipau shikimtheni. Ti ye Ampeu lau ighono akimthe shimasa nani.”

IPEKULU 30:2

Akushulau eno akijelau aulotikipshe 18, tipau ye ako bidi shilo, eno akiqhelau aulotikipshe 36 shilo. Tipau lo akiboqo ye ashipa lakhi lono shilo.

IPEKULU 31:8

akibepu eno tipau lo tinhemgha, ameshoyi kimthe kulu kibepu eno tipau lo tinhemghaqo, axokütsüngü kiptia,

IPEKULU 35:15

tsüngqüikeu xo kiptia, tipau kipesü, nukikishe thazü, axokütsüngü ta, ahukikha nhaqhiphi, Ampeu phiki hukikha;

IPEKULU 39:38

ameshoyi kiptia, nukikishe thazü, axokütsüngü ta, eno aphiki kulaghi lo nhaqhiphi;

IPEKULU 40:5

Puloshoqhi bohu zülo axokütsüngü kipti ghenguno ameshoyi kiptia qhilo, eno Ampeu kungo phiki hukikha lo nhaqhiphi qhilo.

EZEKEL 41:22

asü no mlakeu akümlla-khache kimihi ae, ti ye akiqhelau auxakuchho lakhi tüxa, akushulau auxakuchho lakhi, eno akijelau auxakuchho lakhi. Tipau cheku, aboqha, eno akuptuqo ye asü no shike. Pa no I vilo pi, “Hi no aghulhu lüpa Ampeu zülo akeu ke.”

ACHINE 4:18

Pa no aji hami itaghi pewo Ampeu zülo akiptia lo akiboqo lo lesüni, eno achili thaqhü pa no pewo kuposhukulu phiki kulaghi lo akipti kümllagho khache bophi lo leqhiveni.

ACHINE 4:7

Tishino pa no aji hami pesü kuposhukulu phiki alou Ampeu zülo achekeu axokütsüngü kiptia lo akiboqo lo lesüni, eno aji achili thaqhü pa no pewo ti kuposhukulu phiki kulaghi lo akipti kümllagho khache bophi lo leqhiveni.

AKIKIHI 3:31

Panongu kümlapu no Puloshoqhi Bohu, asho kibepu, akulu kibepu, akiptia, achinemi no peitha chekeu akhu ajukhu, eno Akimthe-a kulaghi lo nhaqhiphi jukütsüni, hitoi keu kümlapu kütau kiu kiumu mla penike kughutsü.

AKIKIHI 4:11

Panongu no atsüla phi pesü ameshoyi xokütsüngü kiptibo khonhave no ashiyiko küküzü lo süni, tithiuno kuhope kepu sü chuxusüni.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,