IPEKULU 3:2 - Sumi Naga CL (Re-edited) Bible (BSI)

² Eno Ampeuw kungumi no asüminipho mta lono ami mili lakhi shi pa lau ipeghi. Pa no ithulu eno julo, asüminipho ye iqü aghi, ikemu tipau ye piti pühave moe.

BAIBEL (BSI)

² Tileno AMPEU wu kungumi lakhino asuminipho mtalono ami kuyiqu lakhi toi pa lau ipeghi. Asu minipholo ami iqu akeu Muse no ithulu ikemu tipau pitivekeu shimoe.

IPEKULU 3:2 Iomraidhean Croise

BOTHUBO 21:17

Eno Alhou no anu sütsa chiluve eno Alhouw kungumi no atsütsü lono Hagar kuno pi, “Kiu no o pünaqhi ani kea, Hagar? Msa kevilo, kughengu anu no ngo akeu-a lono Alhou no pa sütsa chiluve tsüae.

BOTHUBO 22:11

Ikemu Ampeu kungumi no atsütsü lono pa kuno pi, “Abraham, Abraham!” Pa no pi, “Ni hile ani.”

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

LESHELE 66:12

Nono panoqo pelo ningu kütsü shou no qoda peke; ningu ye ami eno azü lo ilovae; ikeghi Nono kupukuno-a lo ningu saghi ke.

IPEKULU 19:18

Sinai Naghuto ye amchhi no küzüpho luve kughengu Ampeu no ami lono tipau shou ikughive ke. Tipau michhi no amiphokilo michhi toi phoiku, eno naghuto kupuju no shishe ithae.

IPEKULU 23:20

“Julo, ala lo nongu khekuto sasü I no kuto püakeu-a lo ighi peniye I no kungumi nongu züu puwu ani.

IPEKULU 24:17

Israelmi nhethe lo naghuto kütsüqa lo Ampeu juküvü ipeghi keu ye amiküqü toike.

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

DANIEL 3:27

Kükapumi, pangtong, angh, eno akükau mijekütsümi no kümtsa hekütsü no ami küka ye timi hipaqo phiau lo kiumu shimlave keu ithulue. Panoqo kütsü lo asa mu piti püaghimo, aphimini mu shipüsa püaghimo, eno ami kipti xomu panoqo shou ikughi moe.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

Mark 12:26

Kithimi xüputhu keu vehulo, Moses kaku lo asüminipho tsamqo lo kishi Alhou no, ‘Ni ye Abraham Lhou, Isaac Lhou, eno Jacob Lhou,’ ipi keno nongu ye phimla aphi keshea?

Luke 20:37

Ikemu kithimi xüputhu keu vehu ye Moses ghi yepüani, asüminipho ghili yekeu tsamqo lo pa no Ampeu ye Abraham Lhou, Isaac Lhou, eno Jacob Lhou kepi kutsüe.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

ZAKINIU 33:16

aghüma yeghi lono agho akiviu eno asüminipho lo achekeu no Pa mlo kiqi gholono, kükümgha hi kümtsü Joseph shou ache peniu. Kughengu pa ye pa thiküzümi gholo sakipheu ke.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

XAKUTHAMI 13:13

Ampeuw kungumi no khochile, “I no o nipu vilo kiu pive akeno tipaqo kümtsü shimasae.