IPEKULU 3:14 - Sumi Naga CL (Re-edited) Bible (BSI)

¹⁴ Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

BAIBEL (BSI)

¹⁴ Alhou no pi, “NIYE NIKE. Noye panoqo vilo ishi pilo: ‘Khuu kela NIKE ipikeuno nongu lau ipuwuke.’

IPEKULU 3:14 Iomraidhean Croise

JOB 11:7

“No ye Alhouw tuqhou thime phuphelu nani kema? No ye Akughushuu ghili ithi khalu nani keshea?

LESHELE 68:4

Alhou lau ale phelo, Pa je shipili ale phelo; khuu asayeqha lo checheni keno Pa lau ale phelo; Pa je ye Ampeu ke; Pa zülo alovilo!

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

IPEKULU 15:3

Ampeu ye aghükishimi ke; Pa je ye Ampeu ke.

IPEKULU 23:21

Pa lau amlo tsüqhiyi shilo eno pa tsa gholulo; pa hebide kevilo, kughengu pa ye nongu kipimi qhitsümo nani, kughengu pa lolo I je ani.

IPEKULU 3:13

Tile Moses no Alhou vilo pi, “Tsala I no Israelmi lau ighi no panoqo vilo, ‘Nongu papu Lhou no nongu lau I puwu ani,’ ipi aye, eno panongu no I vilo, ‘Pa je ye khuu kea?’ ipi ighiju aye, ni ye panoqo vilo kiu pini kea?”

IPEKULU 6:2

Alhou no Moses pütsa no pi, “Ni ye Ampeu ke.

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

MATTHEW 18:20

Kughengu I je lono khilehi mikini momu miküthü kumqoni keno ni ye tile panoqo gholo ani.”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

IBRIMI 13:8

Jisü Khristo ye ighi, ishi eno alholo aphiphie.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”