IPEKULU 26:31 - Sumi Naga CL (Re-edited) Bible (BSI)

³¹ “Atsüla, hughai, eno akuhu yeho ngo phepheike phi kipili pesü nhaqhiphi mlalo. Tile kütshakügha shi cherubim shisülo.

BAIBEL (BSI)

³¹ “Tsulakibiyei keu, hughai keu eno huchui keu mhi pesu aphikivi ghokeuno nhaqhiwo kepu phi mlalo. Achishibo kupu kerubim koghe tipaulo aye shisulo.

IPEKULU 26:31 Iomraidhean Croise

YEKIKITHI AKINIU 3:14

Pa no tsülabei, hughai, hughüi, eno amekusho phi pesü nhaqhiphi mla, eno tile cherubim shisüpe qhie.

LESHELE 137:5

O Jerusalem, I no O kümsümave aye, I u ajeu pelo kütshakügha kümla shimthave peniu!

IPEKULU 25:18

Akünha shekichi kini lo cherubim kini ameshoyi hephave keu no mlalo.

IPEKULU 25:4

atsüla, hughai, eno akuhu yeho, phepheike phi akiviu, ane mhi,

IPEKULU 26:1

“Tinguno alau, no ye Ampeu kungo phiki mlalo, tipau lo atsüla, hughai eno huchuyi keu phi eno phepheike phi kipili no nhaqhiphi 10 mlalo; tipaqo lo kütshakügha shi cherubim shisülo.

IPEKULU 26:32

Tipau pesü ameshoyi no küzü keu acacia sü tsükucho bidi lo ameshoyi kufuyi pesü pufuni eno ghükayi no shikeu boqha bidi shou nhaqhi woni.

IPEKULU 27:16

Putukhasü keu lo khagho ghenguno atsüla, hughai, akuhu, eno phepheike phi kipili gholo ayipu no aye shisü keu nhaqhiphi auxakuchho 9 mlalo. Atsükucho bidi gholo ghoqhe kepu bidi shini.

IPEKULU 27:21

Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.

IPEKULU 28:15

“Küghakütha mlaküxa lakhi akivishi mlalo. Ephod mlakeu ghola lono phepheike phi kipili ngo atsüla, hughai eno huchuyi keu yeho eno ameshoyi pesü tipau mlalo.

IPEKULU 35:12

puloshoqhi bohu gholo akipesüqo, akünha, tipau nhaqhiphi,

IPEKULU 35:25

Totimi atshamgha shikithimi no pano u lono aphi gho eno kümtsü no ayeho atsüla, hughai, huchuyi eno phepheike phi kipili no aphi kiu gholu keno tipaqo peighi.

IPEKULU 35:35

Pa no ayi yetha kemi, aye shipuku kemi, eno ayeho atsüla, hughai, huchuyi, eno phepheike phi kipili pesü aphi lo aye shisü chekemi no shilu chekeu kighithi pesü pama shepichhivae.”

IPEKULU 35:6

atsüla, hughai eno akuhu yeho eno phepheike phi kipili; ane mhi,

IPEKULU 36:35

Pa no ayeho atsüla, hughai eno huchuyi keu ngo phepheike phi kipili pesü nhaqhiphi mla; tipau lo cherubim koghe akivishi mlasüe.

IPEKULU 36:36

Tipau ghenguno acacia sü pesü atsükucho bidi mla eno ameshoyi pesü tipaqo küzüve. Tipaqo kufuyi ye ameshoyi no mla, eno tipaqo ghokepu bidi ghükayi no mlae.

IPEKULU 36:8

Akümla kishimi dolo shitsami no Ampeu kungo phiki eno tipau gholono nhaqhiphi chighi mla. Tipaqo ye phepheike phi, atsüla, hughai eno huchuyi keu yeho pesü aye kivishi cherubim mlae.

IPEKULU 38:23

eno pa gholo Dan shiaye Ahisamach nu Oholiab no mlae. Pa ye ayi yetha pesü kogheküghü shikemi lakhi eno phepheike phi kipili, atsüla, hughai eno huchuyi keu yeho pesü aye shisü chekemi ke.

IPEKULU 40:21

Eno pa no puloshoqhi bohu pesü Ampeu kungo phiki lo ilo no nhaqhiphi pesü nhave, eno Ampeu no Moses azah tsüke toi, puloshoqhi bohu lo ashepe nhape qhive.

IPEKULU 40:3

Tipau lo puloshoqhi bohu qhilo, eno nongu no nhaqhiphi pesü puloshoqhi bohu küzüve lo.

ALE KIMCHI 7:1

O kükapuu nonga, nono apukhuqho pukelo o pukhu ye kiutoi jukivi kela! O lukobo chopumloi keu ye ameshoyi toi kütshaküghami u no mla püake toike.

ACHINE 16:15

“Tishino pa no timiqo ghenguno axine kümllagho shi ane ghiqhi no aji pesü nhaqhiphi thiu ilo no amshitsü ji pesü shike toi kimiyekini lakhü shou eno agizüu küzüteni.

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

AKIKIHI 4:5

Kughou aghazü iqeve kepu shini keno, Aaron ngo pa nuliqo no ilo nhaqhiphi xape Puloshoqhi Bohu khonhani.

MATTHEW 27:51

Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

Mark 15:38

Tileno achineki lo kokütha nhaqhiphi ye akütsü lono abophi kutolo ixü kütüta shive.

Luke 23:45

ti ye khetsünhe küvü no hailove. Achineki lo nhaqhiphi no ixü kütüta shive.

Ephesiami 2:14

Kughengu Khristo ampi no niw külakishiu ke, pa no ashiaye kini pesü lakhi shive tsüno pa phimpi pesü ningu dolo kijethape kimthikile chekeu tupi hephove tsü,