IPEKULU 24:12 - Sumi Naga CL (Re-edited) Bible (BSI)

¹² Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

BAIBEL (BSI)

¹² AMPEU no Muse vilo pi, “Ilau naghutolo ikughilo eno nono hilau akelono ino atu pha kini otsu nanike; tipaulo timiqo kutsu kepu tsa ayezah kumtsu ino yepuanike.”

IPEKULU 24:12 Iomraidhean Croise

KUKAMI ATUGHIU 19:11

Ampeu no pi, “Khalau ipe no atoghi lo Ampeu zülo puthugho lo.” Tile Ampeu no hechesü wuve, ikelo Ampeu zülo ighono akumto mülhü no atoghi tipau fuphove tsüno atuqu ghi kubo pinyive tsü, ikemu Ampeu ye amülhü lo kühae. Amülhü thiu ayeghi küghütha ighi, ikemu Ampeu ye ayeghi küghütha lomu kühae.

EZRA 7:10

Ezra ye Ampeu Yezah phino tipau pape eno Israel lo Pa yezah shika nike amlo tsüqhiyi shike.

NEHEMIA 9:13

Nono Sinai Toghi shou iqighi no atsütsü lono panongu pütsa eno achipiu ngo kuchou khuaye, akivi eno azakütsü pesü panongu tsüe.

NEHEMIA 9:14

Nono O kimthe Sabbath panongu pelo ithilupe, eno O qeu Moses vecheo Nono O Yezah panongu tsüe.

LESHELE 19:12

Khuu no alikhi akipimi phulu nani kea? Tuqho-tugho kipimi lono I xaphe lulo.

IPEKULU 19:3

eno Moses ye Alhou sasü kushoni ye iqhove. Naghuto lono Ampeu no Moses kuno pi, “No ye Jacob lagha vilo ishi pini, eno Israelmi vilo pini:

IPEKULU 24:15

Tishino Moses no naghuto lo ikuve, eno khüngküsü no naghuto küzüluve.

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

IPEKULU 24:2

Moses likhi no Ampeu lau kupunu ighini, ikemu kütami ye kupunu moni, timiqo ye pa gholo ighi moni.”

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 34:1

Ampeu no Moses vilo pi, “Azüu toi keu atulupha kini no ampi no chhutha lo, eno azüu atulupha khikhi nono kubove keno tile yepüakeu tsa I no yepuku tsüni.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

MATTHEW 5:19

Tighenguno khukhumu azakütsü hipaqo dolo akimkheu mu kughuchove no kütami ghi titoi shika piye cheghi keu ye kungugha yekipe lo akitilau shi kihi nani, ikemu khuu no tipaqo pekupulu no kütami vilo ghi pelu penike pini keno kungugha yekipe lo akijeu shi kihi nani.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

2 Kor. 3:7

Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,

ZAKINIU 4:14

Tileno nongu no ilo niye akeu yeghi lo pape kepu khuaye ngo pimheye nongu shika lopi azah I tsüe.

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.

ZAKINIU 5:31

Ikemu no, Moses, ye hile I phivilo puthugho lo, o pelo panongu shika penike I no azakütsü, akhuaye, eno pimheye kümtsü o vilo pini, tishianguno I no tsü akeu yeghi lo panongu pelo tipaqo pelu peni.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.