IPEKULU 24:11 - Sumi Naga CL (Re-edited) Bible (BSI)

¹¹ Pa ye Israelmi atomi shou Pa u chhomoe; panongu no Alhou ithulu eno chushoe.

BAIBEL (BSI)

¹¹ Israilmi sakiphemi hipaqo no Alhou ithulu kelo ghimemo eno pa pukhu qholo safirtu qhapua keuno atsutsu kutsughu toi ithulu no panongu kumtsa chu shoe.

IPEKULU 24:11 Iomraidhean Croise

BOTHUBO 16:13

Ikehu li no Ampeu khuu li pütsa keno, Pa je pesü, “No ye ithukuluu Lhou,” ipi kuvetsü, kughengu li no pi, “Kuchou no khuu no I jukuto akeno I no hileno pa ithuluvae.”

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 31:54

Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.

KUKAMI ATUGHIU 21:8

Ikehu li no yesü lakhi Ahab je lono yepe paw jemchi süve no Jezreel lo atomi ngo sakiphemi Naboth gholo mishighüna lo xüküami lau tsüpuwu.

YEKIKITHI AKINIU 23:20

Pa no kepten, ghenimi, timiqo shou angh, eno aghakhu lo timi kümtsü sasü Ampeu ki lono akükau khe sasü khagho lashou kathasü kükaki lo wuve. Eno panongu no akükau pelo kükalakhü lo iqave pe.

NEHEMIA 2:16

Tile kijemi ye khumu I no khila wuve eno kiu shi akeno mthae. Tikutolo ni ye Jewmi, achinemi, kijemi, eno akümlami vilomu kiumu pimono ae.

LESHELE 139:5

Nono I thiu eno I züu bothasüpe acheni, eno O u no I süshope acheni.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

IPEKULU 19:21

Ampeu no Moses vilo pi, “Iqi no timiqo ghutu lo, tikumo aye panongu no Ampeu juniye shoxüsü ighi no kutomo pühave nosake.

IPEKULU 24:1

Ampeu no Moses vilo pi, “I lau ikughi lo, no eno Aaron, Nadab, eno Abihu ngo Israel lo layemi lhotsüni, eno putou no I mlla lo.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

JEREMIYA 14:3

Liw ghenimi no aqemi hape azü phuwu; panongu no azü tughuko lo ighi; ikemu azü phumlae; pano zübohu kümsa pechile ighi; panongu ye akukujo no akümza qhiyive eno pano kütsü nhaluve.

DANIEL 10:17

I mpeu qeu ye kishi I mpeu pütsani kea? Kughengu itehi I lolo aküka kühavae, eno I lolo atuthu kühavae.”

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

AKIKIHI 21:18

Sakiphemi no chhukeu zükikhe, Gihuküzümi no pano kükaküsü ngo aküsü pesü chhuphe ke.” Panongu no asayeqha lono Mattanah lo chesü wuve,

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 4:33

Timi khunomu nongu toi ami lono alhou sütsa chilu kethiu ghi xülu kema?

XAKUTHAMI 13:22

Pa no pa nipu vilo pi, “Nikujo ye Alhou ithuluve akeke thiveni pütsae.”

XAKUTHAMI 5:13

Ghükulumi ghenimi no iqighi; Ampeuw timiqo no I züqhushi akumtomi leniye iqie.