IPEKULU 23:8 - Sumi Naga CL (Re-edited) Bible (BSI)

⁸ No ye külügho lumoni, kughengu külügho no mtsümishei ithulu chekemi nhethi kighicheve tsü cheni eno khunono achipiu küdau ani keno panoqo chipiu süchighive tsü cheni.

BAIBEL (BSI)

⁸ Kulugho lukevilo kughengu kulugho huno timi pelo achipiu shinikeu lo anhethi kighichevetsu cheni eno pimimokemi vehupuqo hexapiniyi vetsu chenike.

IPEKULU 23:8 Iomraidhean Croise

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

LESHELE 26:10

pano u lo kixikila kukughu ani eno pano u ajeu külügho no chhitoi ani.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

AHOLE 17:23

Kixikilami no achipiu xakütha tuchighive tsüniye tuqho-tughou no külügho luve cheni.

AHOLE 17:8

Khuu no külügho tsücheni keno pa ye aghatu kipighimi no kinikülü shilu nanie pi kümsü chekeu paphie.

AHOLE 19:4

Küakini no shompami kithe phulu cheni ikemu kumlhomi ye paw shompami ghi pa qhive cheni.

YETSAPIU 7:7

Nedaqoda keu no alokütsümi pesü mbomzü shive cheni, eno külügho no amlo shipuqove tsücheni.

ISAIAH 1:13

Adou kümllagho süghi kevilo; axokütsüngü ye I ghenguno aphikümqhüpue. Aqhi kithe, Sabbath eno aqoaho hekükütsü, alhoksa eno aqo hoho hipaqo Ni ye kutuu mlae.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 5:22

Khunono aji kusho eno aji kümka kikite lo shitsami kepi cheni keno ahasapue,

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

HOSIYA 4:18

Pano ji shokhave kemtsa panongu no kütüqhauve cheni; panow yepemi no akukujopu kimiyekütü cheni.

AMUS 5:12

Kughengu no xine ye khije eno kishi kije keno I no ithi ani— nongu no achipiu mikuchomi kijipüsa, külügho lu, eno khagho lo aveküsami juzüve chenie.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.