IPEKULU 23:24 - Sumi Naga CL (Re-edited) Bible (BSI)

²⁴ nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

BAIBEL (BSI)

²⁴ Pano lhouqo lau itsaqi mlla kevilo eno panoqo chine khu-aye hakevilo. Pano lhouqo kutsalevelo eno panoqo wu achine tuqu khetsukucho kuboleve tsulo.

IPEKULU 23:24 Iomraidhean Croise

KUKAMI AKINIU 17:11

eno Ampeu no pano zülono sawuve keu shiyeqo no shicheke toi, qhemghaike-a lono akümllagho tsüno Ampeu mlo shikighide tsüe.

KUKAMI AKINIU 17:8

eno Ampeu no shiye panongu zülono haphe keqo khuaye pape, eno Israel kükami no shiche keu khuaye papeve kehue.

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 3:2

Pa ye Ampeu zülo axine shi, ikemu papu ngo paza pama toi keu ye kumo, kughengu papu no Baal tsükucho shiqhe keu pa no kubove tsü.

YEKIKITHI AKINIU 14:2

Asa ye Ampeu pa Lhou zülo kiu no akivi eno achipi keno ti shike.

YEKIKITHI AKINIU 25:14

Amaziah no Edommi toluve no ideighi kelo pa no Seirmi lhou julhoqo süghi, eno pa lhou shi ghope qhino mlla ghi akümllagho tsü.

YEKIKITHI AKINIU 33:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu, pa no tipaqo pape kelono pa ye Ampeu zülo axine shive.

YEKIKITHI AKINIU 33:9

Ikemu Israelmi zülono Ampeu no shiye kütsave keqo no shiche keu nguno aküsau Manasseh no panongu sawo axine shivepe.

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

IPEKULU 20:3

“I zülo nongu ye alhouqo kütau mlla moni.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

IPEKULU 23:32

Nongu ye panongu eno pano lhouqo sasü puloshoqhi shimoni.

IPEKULU 23:33

Panongu ye no ghakhu lo küghüna moni, tikumo aye panongu no nongu pelo I shou axine shipe nani; kughengu nongu no pano lhouqo mlla aye, tino nongu ghenguno alichhe shive nani.”

IPEKULU 32:20

Panongu no amshiti mla püakeu pa no ikhipe ami lono pitive no mukhumuno shivetsü eno tipau pesü azü lo küzale süve no Israelmi pelo tipau zü yevepe.

EZEKEL 16:47

No ye panoqo laghi lo chechekeu ngo panow aphikümqhüpu kümla kiqi lono mla chekeu likhi kumoe; ado kitila dolo no ye o laghi kümtsü lo panoqo nguno alau shiküsapu shive ke.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

AKIKIHI 33:52

nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

ZAKINIU 12:3

Pano kiptiaqo tulaqhive tsülo eno atsükucho ngo Asherim julho kubove no pitive tsülo. Pano lhou julhoqo micheve tsülo eno a-a tipau lono panongu je pühave tsülo.

ZAKINIU 7:5

Ikemu nongu ye hitoi pano lau shilo: pano kümlla khache hephove tsülo, atsükucho kubove tsülo, Asherim julho ghekuchove tsü, eno ajulhoqo pitive tsülo.