IPEKULU 23:2 - Sumi Naga CL (Re-edited) Bible (BSI)

² No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

BAIBEL (BSI)

² Aqo akichiu shi aghinamu panoqono akumou shi aghi aye tipaqo papewu kevilo momu kuchou xakutha suchighiveni keulo ashepe shitsu kevilo;

IPEKULU 23:2 Iomraidhean Croise

BOTHUBO 19:4

Ikemu panongu no zühu mphi lono mishighüna lo kiptimi, Sodom kiptimiqo, apumi eno muchomi, timi kümtsü no aki süho luve.

BOTHUBO 6:12

Julo, ayeghiqha shiküpsapu shi akeu Alhou no ithulu, kughengu ayeghiqha lo timi lhoxü kümtsü no pano laghi küsaküghapu shiveke.

BOTHUBO 7:1

Tithiu Ampeu no Noah vilo pi, “No eno o kibolomi kümtsü ashuka lo ilove lo, kughengu hipa tiqheli lo no ye I zülo amikucho ipi I no ithuluvae.

KUKAMI ATUGHIU 19:10

Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

JOB 31:34

ni ye aqokitikhi no cheqhini keu msache kehu, eno I bolomi no thaighani keu kümsa no thüghüi, tino ni ye khalau mu ipemo no inaqhoive cheke.

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

AHOLE 1:15

I nu, panongu no chechekeu laghi lo wu kevilo; pano laghi lono O pukhu sünhe chile luvelo,

AHOLE 18:5

Agikujushi kixikilami saphuve no amikuchomi pelo kuchou xakütha ithumlavepe keu ye alomoe.

AHOLE 4:14

Kixikilami laghi lo ilo kevilo, eno alhoksami laghi püla kevilo.

JEREMIYA 37:15

Hiyampemi no Jeremiah ju axuideve, eno pa heqhi no pa pesü akiyeu Jonathan kilo akughu shive, kughengu ti ye akughuki shi püake.

JEREMIYA 37:21

Ikehu Akükau Zedekiah no azah tsüno Jeremiah pesü akhemi bokütha lo qhive. Tishino mishighüna lo asho kühave moke kutolo tsalakipetsü asho kümla laghila lono ashopa lakhi süwo pa tsüche. Ikehu Jeremiah ye akhemi bokütha lo ngove.

JEREMIYA 38:9

“I mpeu akükau, panongu no tungkupu Jeremiah pesü atughuko lo vesüve keu ye alhoksa shivae, pa ye akhü lono thiniae kughengu mishighüna lo asho kühavae.”

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

HAGAYI 1:4

“Imaye hi ye nongu ampi no aki kivi lo ngono Ampeu ki huno ixapinyi apeni keu ghuloki keshea?

Mark 15:15

Ikehu Pilate no aqokitikhi ghapiqi tsüniye Barabbas khaqhiphe pe panoqo tsüve, eno Jisü küghape hetha pinyive no yedave penike ikhiphe tsüve.

Luke 23:51

Ikemu pa ye aqomi xakütha lo pulomo no Alhou yekipe laju cheke.

Apostolmi 24:27

Kughou ampe kini wove keno, Porcius Festus no Felix züqhulo ighive. Eno Jewmi lopushi tsüniye Felix no Paul akughu shive.

Apostolmi 25:9

Ikemu Festus no Jewmi pulou shitsü niye Paul vilo pi, “No ye Jerusalem lo iqho no tilau no hi o nguku akeqo pelo I zülono küghaju penishi anima?”

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

ZAKINIU 1:17

Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

SAMUEL ATUGHIU 15:24

Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

SAMUEL ATUGHIU 15:9

Ikemu Saul ngo timiqo no Agag püxüve eno ambe ngo amshitsü dolo akiviu, athakupu mishiti ngo aneqo, eno kiu no akivi keno kümtsü kütsa move. Eno kideqhive keu ngo ameküküha thime likhi kütsave.