IPEKULU 23:15 - Sumi Naga CL (Re-edited) Bible (BSI)

¹⁵ Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

BAIBEL (BSI)

¹⁵ Nonguno Ijip lono ipelukeu qhi Abib lo ino ahza nongu tsuvekeu kiqi lono kholaqhi sumokeu ghulhu ikhilulo. Hipau ghulhu atsala tsuni dolo kholaqhi sukeu sho khilemu chukevilo. Akumllagho pemo keloye imllanike ighikevilo.

IPEKULU 23:15 Iomraidhean Croise

IPEKULU 12:2

“Hipa qhi no nongu ghenguno aqhi bothu shi nani. Nongu ghenguno hi no ampe lo aqhi atüghüu shi nani.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:4

Ishi, Abib qhi lono nongu ye ipe chenie.

IPEKULU 22:29

“No ye ghile kupukuno shi akeu momu atsaizü qole akeu pesü mllani keu lo süpushu moni. O nu anoghiu ye I tsülo.

IPEKULU 34:18

“Nongu ye Kholaqhi sümokeu Sho Ghulhu pinilo. I no azah nongu tsüve ketoi nongu ye kihitha püakeu tüqhüdo Abib qhilo atsala tsüni kholaqhi sümo keu sho chuni, kughengu nongu ye Abib qhi lono Egypt lono ipeghi ke.

IPEKULU 34:20

Khurha piti tüghüu ye ambe lakhi pesü qhüchilelu nani, tsala nongu no tipau qhüchile lumo aye, tipau kuo hechheve tsülo. Nongu nu anoghiuqo ye qhüchile luve lo. Eno khukhumu I zülo au kümsa ighimo nani.

ACHINE 23:10

“Israelmi vilo pilo, Kughou nongu no I no tsü akeu yeghi lo ilo ghile huni keno, aghipe kipiqhe atüghüu pesü achineu lau süghini.

MICAH 6:6

“Ni ye kiu pesü Ampeu zülo ighini eno akiqheu Lhou zülo qhoqhüni kea? Ni ye Pa zülo akipti kümllagho, ampe lakhi mishi peighini keo?

Mark 14:12

Kholaqhi Sümokeu Sho Ghulhu tsala atüghüu lo, akhuaye lo toi Hechekulu mbeti pesü agha shiniye akelo, Jisü khopemi no pa vilo iniju, “No ye ningu pelo khile no Hechekulu ghulhu kutotsü penishi ani kea?”

Luke 2:41

Ampe atsütsü Hechekulu Ghulhu lo Jisü puaza ye Jerusalem lo wuche.

Luke 22:7

Tithiu Kholaqhi Sümokeu Sho Ghulhu, khipau lono Hechekulu mbeti pesü aghashi chekeno, tipa tsala ighive.

Apostolmi 12:3

Hi no Jewmi lopu shikeu pa no ithulu no Peter ghi küghaluve nike phuwu. Hi ye Kholaqhi sümokeu Sho pine ghuloki lonoe.

ZAKINIU 16:16

Kiptimi thaqhü ampe lo ghuthu küthü Ampeu nongu Lhou no kishetsü ke-a lo Pa zülo ighilo: ti ye Kholaqhi sümokeu Sho, Ghile pine, eno Apusho lo pine lo ishi.

SAMUEL ATUGHIU 6:3

Panongu no pi, “Tsala nongu no Israel Lhouw Puloshoqhi Bohu tsüchile puwuveni aye, ti ye kümsa puwu kevilo, ikemu kiukiu gholau nomu akipimi kümllagho pa tsüpuwu lo, eno kushiye pa u ye nongu launo süchilemo keno nongu no ithive nani.”