IPEKULU 22:21 - Sumi Naga CL (Re-edited) Bible (BSI)

²¹ “No ye kupokichemi pimi moni momu nedaqoda moni, kughengu nongu ye Egypt yeghi lo kupokichemi shi cheke.

BAIBEL (BSI)

²¹ Inaghami peitha pusa momu nedaqoda kevilo.

IPEKULU 22:21 Iomraidhean Croise

JOB 6:27

Nongu ye mighimi ghi luveni ye asaqhi cheni kehu, eno shompami jechuve chenie.

LESHELE 146:9

Ampeu no kupokichemi jukuto cheni; Pa no chimemi eno mighimi sünheqhe cheni, ikemu kixikilami laghi ye Pa no kütsakungo keu lo saghive tsücheni.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 23:9

“No ye inaghami peitha püsa moni. Nono inaghami mlo ithi anie, kughengu nongu ghi Egypt yeghi lo inaghami shi acheke.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

ACHINE 19:33

“No ghakhu lo kupokichemi akemi peitha püsa moni.

ACHINE 19:34

O küsami Israelmi toi pa peithani eno o likhi o toi pa kimiyeni. Kughengu nongu ghi Egypt lo kupokichemi shiche ke: Ni ye Ampeu nongu Lhou ke.

ACHINE 25:35

“No thiküzümi no kumlhomi shive no apo qemlave aye, pa ye inaghami eno kachenami lakhi toi nono pa tuchoni, eno no gholo xüni.

ZEKHARIA 7:10

chimemi, mighimi, shoinami momu kumlhomi nedaqoda kevilo, eno nongu dolo khunomu amlo lono lakhino lakhi shou alhoksa kuchughu kevilo.”

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

ZAKINIU 1:16

I no nongu shou xaküthami azah tsü, ‘No thiküzümi dolo aküküpnaqo tsaqüi inilo, Israelmi athiküzümi dolo na inaghami lakhi pano gholo akeu sasü namu, kuchou xakütha shilo.

ZAKINIU 10:18

Pa no mighimi eno chimemi ghenguno achipiu xakütha tsü cheni, eno achuqupu ngo aphimini pesü kupokichemi tsücheni eno kimiye cheni.

ZAKINIU 10:19

Tighenguno kupokichemi kimiye lo, kughengu nongu ye Egypt lo kupokichemi shi acheke.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 23:16

Pa ye nongu no akeu phughi, pa no ngoni shikeu lo ngoni. Nongu ye akipimi pa tsümoni.

ZAKINIU 23:7

“Edommi jumithi moni, kughengu panongu ye nongu thiküzümi ke. Egyptmi jumithi moni, kughengu ghuthu lakhi lo nongu ye pano yeghi lo kachenami shi acheke.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.